Ахмет Байтұрсынұлының шығармашылық мұрасы: кең көлемді кітап көрмесі

7 сәуірде Жоғары гуманитарлық-заң колледжінің студенттері мен оқытушылары үшін А.Байтұрсынұлының 150 жылдығына арналған «Ахмет Байтұрсынұлының шығармашылық мұрасы» атты кең көлемді кітап көрмесі ұйымдастырылып6 шолу жасалды. Кітапхана мамандары колледж қабырғасында кітап көрмесін ұйымдастырып қана қоймай, оның ақын, түркітанушы ғалым, аудармашы, ұстаз және публицист ретіндегі мұрасы туралы әңгімеледі, оның қызметіне қатысты бейне шолуды көрермендерге ұсынып, өмірбаяны, көркем шығармалары туралы деректер, қызықты оқиғалармен бөлісті. Оның қазақ жазуының дамуына, атап айтқанда, араб графикасына негізделген қазақ жазуын реформалауға өлшеусіз үлес қосқанын, соның арқасында шетелде тұратын миллиондаған қазақтар оны пайдалана алатынын оқырман қауым білді. А.Байтұрсынұлының өмірі мен шығармашылығына қатысты қызықты деректердің қатарында 1912 жылы Ахмет Байтұрсыновтың қазақ тілінде қолданылмаған таза араб әріптерінің барлығын алып тастап, қазақ тіліндегі әріптерді қосқаны туралы мәліметтер де келтірілді. «Жаңа Йемле» деп аталатын жаңа әліпбиді Қытай, Ауғанстан және Иранда тұратын қазақтар әлі күнге дейін пайдаланады.
Көрмеге қойылған кітаптардың қатарында оның адамгершілік пен гуманизм тақырыбын ашатын «Маса», «Әдебиет танытқыш», «Тіл тағылымы», «Ақ жол» шығармалары болды. Оның әдеби шығармашылығының тақырыптары толығырақ ашылатын, ең танымал аңыз-әңгімелерінен тұратын «Қырық мысал» және «Маса» жинақтары да ұсынылды.
Іс-шара Ахмет Байтұрсынұлының өмірі мен шығармашылығы туралы бейнематериалмен толықтырылып, сонымен қатар «Алаш» электронды кітапханасы, «Есімдерімен аталады…» бөлімімен атап айтқанда, Ахмет Байтұрсыновқа, оның отбасына тікелей қатысты беттер, мұрағат және мұражай құжаттарымен таныс болды.