Сирек және құнды құжаттарды зерттеу және насихаттау аспектісіндегі кітапхана қоры: халықаралық аймақаралық ғылыми-тәжірибелік конференция

6 желтоқсанда Абай атындағы кітапхана Ижевск қаласы Удмурт Республикасының Ұлттық кітапханасы ұйымдастырған халықаралық ғылыми-тәжірибелік конференцияға қатысты. Шараға Ресей Федерациясының кітапханалары мен Өзбекстан, Әзірбайжан, Беларусь Республикасы және Қазақстан кітапханалары қатысты. Конференцияның негізгі тақырыбы еліміздің мәдени мұрасының құрамдас бөлігі болып табылатын сирек және құнды құжаттарды сақтау және насихаттау мәселесі болды. Кітапхана маманы «Облыстық және жергілікті маңызы бар кітап ескерткіштерінің кітап қорын және жеке көшірмелерін зерттеудегі өлкетану компоненттері» атты баяндама жасады. Баяндама барысында кітапханашы кітапхана қорында сақталған сирек кітаптар қорларына шолу жасады. Қорымыздағы ең құнды жинақтар – 200 жылға жуық болған кітаптар: Гомер «Илиада» Н.Гнедичтің аудармасымен (1829), Поллион М. «Сәулет туралы» (1790), Херасков «Эпикалық туындылар» (1787), «Қалям Шариф» (1784) және т.б.басылымдармен таныстырды. Сондай-ақ, ұсынылған жинақтарда: жергілікті және облыстық маңызы бар ақпараттық басылымдар, баяндамалар, жазбалар, шолулар, еске алулар мен зерттеулер Абай өмірінің толық бейнесін жасауға арқау болған. Өлкетанушылар – Н.Коншин, Б.Герасимов, В.Белослюдовтың еңбектерінің жеке басылымдары; Ф.Ф. Трейеровтің эклибрисі және жеке кітапханасынан алынған «Меншік иесінің жинағы» кітаптары ұсынылды. Ол 19 ғасырдың аяғы мен 20 ғасырдың басында «Семей ведомости» газетінің редакторы және қалалық думаның депутаты болды, қаладағы су құбырының құрылысына жетекшілік етті; «Қазақ зиялылары және Алаш қозғалысы қайраткерлері» жинағына латын әліпбиі мен араб графикасы арқылы қазақ тілінде жазылған ғылыми монографиялар, танымдық және көркем әдебиеттер, аудармалар енгізілген. Кітапхана маманы Салмақпай деген бүркеншік атпен жазылған «Тоқсан» атты жеке кітаппен, фельетондармен, әзіл-оспақ әңгімелер жинағымен бөлісті. Сатира тарихына қатысты дереккөздерді зерделеу барысында мамандар автордың шын есімі – Жұмағали Сәрсеков екенін ашып берді. Ұсынылған жинақтардың барлығы өлкетануда құндылығы жоғары өте құнды кітап ескерткіштері болып табылады.
Конференцияға қатысушылар өз тәжірибелерімен алмасып, сирек басылымдарды сақтауға қатысты мәселелермен бөлісті. Қазіргі уақытта біздің республикамызда бұл қызметті реттейтін нормативтік құжаттар жоқ, бұл кітапхана қорындағы мәдени мұраны сақтауға қойылатын талаптарды айтарлықтай нашарлатады. Іс-шара сирек қормен жұмыс істеудегі кемшіліктерді анықтауға және алдағы уақытта атқарылатын іс-шараларды бағалауға мүмкіндік берді.