Үш жүзге аты мәлім Түбек ақын: кітап көрмесі
1 ақпан күні Абай атындағы кітапханада өлкеміздің айтулы тұлғасы, ғасыр жасаған, сөз маржаны көмейінен төгілген әйгілі ақын Түбек Байқошқарұлының шығармашылығы мен өмірін насихаттауға бағытталған «Үш жүзге аты мәлім Түбек ақын» – атты кітап көрмесі ұйымдастырылды.
Көрмеде айтыс өнерінің аса ірі өкілдерінің бірі, заманында дара өнерімен атағы қазақ даласына кең тараған Түбек Байқошқарұлының өмірі мен жауһар туындыларын паш ететін кітаптар мен мерзімді басылымдар беттеріндегі мақалалары – «Бес ғасыр жырлайды», «Жеті ғасыр жырлайды», «Абай» энциклопедиясы, М.Әуэзовтің «Абай жолы» эпопеясы, А.Янушкевичтің «Дневники и письма из путешествия по казахским степям» және тб. шығармалар оқырманға ұсынылды.
Кітапханашы он бес жасынан дүлдүл өнерді серік еткен, алқалы жиындарда көптеген ақындармен сөз сайысына түскен Түбек ақынның Тезек төре, Сабырбай, Құлмамбет, Қарқабат, Қосан, Бақтыбай, Орынбай, Жанақ ақындармен айтыстары сөз өнері тарихында қалғаны туралы оқырмандаға ақпараттар берді. 1830 жылы Керекуге ақындығымен танылған апалы-сіңлілі Жәкежан-Айымжанды да жеңгенін, Суырыпсалма ерекше дарынымен, ақындығымен жас Абайға үлкен әсер еткенін, Абай ұстаз тұтқан айтыскер ақын, өнер иесін М.Әуезов «Абай жолы» эпопеясында шынайы суреттегенін, сонымен қатар, қазақ ұлтының өнеріне тәнті болған поляк саяхатшысы А.Янушкевичте 1848 жылы Семей өңірінде болғанда ақынмен кездесіп, ол жайлы «Қазақ даласына саяхаттан күнделік және хаттар» кітабында тебірене жазғаны туралы мәлметтерді қатысушылар аса қызығушылықпен қабылдады. Аталған тамаша басылымдардың барлығы да көрмемізден көрініс тауып, өлкемізде ғасырға жуық өнегелі ғұмыр кешкен дүлдүл өнер иесі жайлы мол сыр шертеді.
