Мұхтар Әуезов өмірінің Семейдегі кезеңдері: өлкетану қонақжайы

31 наурыз күні Абай атындағы кітапханада   «Ертіс өңірі» өлкетану қоғамы мен Абай кітапханасының мамандары дайындаған «Мұхтар Әуезов өмірінің Семей кезеңі» тақырыбында  өлкетану қонақжайы ұйымдастырылды.

М.Әуезовтің тұлға ретінде қалыптасуы, балалық және жастық шағы, әдеби қызметінің қалыптасуы мен басталуы Семей қаласымен тығыз байланысты. Жазушы өмірінің Семейдегі кезеңі 1908 жылдан 1925 жылға дейін созылды. Өлкетанушылар қала тұрғындарын жазушының Семейде оқыған кезеңімен, оның педагогикалық және мемлекеттік басқару қызметімен (Ол Семей губерниялық атқару комитетінің төрағасы және Орынборда Қазақ Орталық Атқару Комитетінің хатшысы қызметтерін атқарған) таныстырды.

Облыстық мұрағаттың ғылыми- анықтамалық аппарат және құжаттарды пайдалану бөлімінің маманы В.А. Середина тыңдаушыларды М.Әуезовтің өмірі мен шығармашылығына қатысты құжаттарды зерделеу мақсатында архив жұмысымен таныстырды. Зерттеу нәтижелері бойынша жазушының 100 және 120 жылдығына орай мұрағат құжаттарының материалдары екі тілде жарық көрді.

Шараға қатысушылар үшін ақынның өмірі мен шығармашылығының барлық кезеңін қамтитын кең көлемді кітап көрмесі дайындалды. Қатысушыларды көрмемен таныстыру барысында М.Әуезовтің Семей кезеңіндегі өмірін баяндайтын  мерзімді басылымдар мен кітаптарға ерекше назар аударылды. Олар:  Р.Мұқажанова құрастырған     «Мұхтар Әуезов өмірінің Семей кезеңі»,  «Мұхтар Әуезов және архив»,  «М. Ауэзов в Семипалатинске (документы рассказывают…), «Сарыарқа газеті 1917-1919», М.Сұлтанбековтың  «Поэтическое вдохновение: Абай, Шакарим и Мухтар», «Семипалатинск. Футбол. Алғашқы қадамдары. Первые шаги (1913-1924), «Неизвестное в наследии Мухтара Ауэзова. Архивные документы», «Неизвестный Ауэзов», ««Жұлдыз» және Әуезов», «Мұхтар Әуезов. Энциклопедия».

Шара соңында өлкетанушы, ақын-жазушы Евгений Титаевтың шығармашылығы бойынша жоба қорғаған мектепішілік өлкетану конференциясының жеңімпаздарына алғыс хаттар табысталды.