Музыкалық аспаптардың таңғажайып әлемі: өлкетану қонақжайы

17 қараша күні Абай кітапханасында Ертіс өңірінің өлкетану қоғамы мен Абай кітапханасының мамандары кітапхана пайдаланушылары мен қала тұрғындарына арнап «Музыкалық аспаптардың таңғажайып әлемі» атты өлкетану қонақжайын өткізді. Аталмыш шара қазақтың көне музыкалық аспаптарына арналды. Көптеген аспаптар түріктердің ортақ көшпелі өмір салтына жатады. Бұл аспаптар түркі халықтары арасында әртүрлі атауларға ие. Өлкетанушылар Қазақстан аумағында жүргізілген археологиялық қазба жұмыстары кезінде табылған көне аспаптар туралы, оның ішінде Отырарда алғаш рет қазба жұмыстары кезінде табылған саз сырнай, өтерке, бақсы Ермекбайдың қобызы (ШҚО), Қызылорда облысындағы 4 ғасырға жататын таңғажайып екі басты домбыра туралы мағлұмат алып, ең сүйікті халық аспабы – домбыраның түрлерімен таныстырды. Музыкалық ақпарат сағатында қала тұрғындары мен студенттер музыкалық аспаптарға байланысты аңыздарды тыңдады. Әр аспаптың үні №1 балалар музыка мектебінің оқушылары дайындаған музыкалық нөмірлермен және қазақ музыканттарының бейнебаяндарымен сүйемелденді.
Қатысушылар үшін қазақ халқының музыкалық мәдениетінің тарихына арналған кітап көрмесі дайындалды. Кітаптарда музыкалық аспаптар туралы да, сол аспапта ойнаушылар туралы да, қазақ халық музыкасын жинаушылар туралы да, халық музыкасының сирек орындалған орындаушылары мен белгілі ақындар жазылған дискілер туралы да мәліметтер берілген. Көрмеге реставратор Николай Бочаровтың коллекциясынан қазақ музыкалық аспаптарының көрмесі, реставратор Сәкен Назарханның коллекциясындағы ортеке аспабы қойылды. Сондай-ақ, «Қазақтын дәстүрлі 1000 әні», М.Жарқынбековтің «Қылқобыз тартуды үйрету әдістері», «Домбыра», «Қазақтын дәстүрлі 1000 күйі», Б.Қозбасаровтың «Қобыз өнері», «Музыкальная культура Казахстана», Б.Г.Ерзаковичтің «Музыкальное наследие казахского народа», С.Ш.Аязбекованың «Картина мира этноса: Коркут-ата и философия музыки казахов» т.б. кітаптары көпшілік назарына ұсынылды.