Музыкалық аспаптардың таңғажайып әлемі. Еуропалық музыкалық аспаптар: өлкетану қонақжайы

22 желтоқсан күні Абай атындағы кітапханада кітапхананың оқырмандары мен қала тұрғындарына арналған «Музыкалық аспаптардың таңғажайып әлемі» өлкетану қонақжайының «Еуропалық музыкалық аспаптар» атты 2-бөлімі көне еуропалық музыкалық аспаптарына арналды. Шараны «Ертіс өңірі» өлкетану қоғамы мен Абай атындағы кітапхана мамандары дайындады.
Ежелгі еуропалық музыкалық аспаптар уақыт өте келе жаһандық мәнге ие болды және бүгінде кез келген симфониялық оркестрдің құрамына кіреді. Қонақтар фисгармония, цимбал, клавесин, клавикорд, рояль, фортепиано, пианино, скрипка және үрмелі аспаптар туралы ақпарат алды. Бүгінгі таңда ұсынылған көне музыкалық аспаптардың біразы біздің тарихи-өлкетану мұражайында сақтаулы.
Жүргізушілер қазақтың тұңғыш скрипкашысы Әйткеш Толғанбаевтың өмірбаянына, қуғын-сүргін уақыттарындағы қиын кезеңдерде ауыртпашылыққа төтеп беруіне скрипканың көмегінің тигені жайлы егжей-тегжейлі тоқталды. Өлкетанушылар ерекше музыкалық шығармаға – Codex cumanicus қыпшақ диалектілерінің сөздігінде кездесетін XIII ғасырдағы көне қыпшақ жырына ерекше назар аударды. Британ композиторы Карл Дженкинс қыпшақ әнұранын қайта жаңғыртып, оның негізінде «Shine Astana» одасын жасады. Ежелгі Қыпшақ әнұраны Еуропаның классикалық аспаптарында орындалды. Осылайша, ежелгі музыка қазіргі заманмен байланысты және әртүрлі елдер мен халықтардың мәдениетін біріктірді.
Тыңдаушылар аспаптардың шығу тарихымен танысып қана қоймай, олардың үнін №1 музыка мектебінің оқушыларының орындауында тыңдай алды.
Шара соңында қатысушылар музыкалық аспаптарды қалпына келтіруші Николай Бочаровпен кездесіп, оның шығармашылығы жайлы ақпарат алып, оның орындауында екі ән тыңдады.
Іс-шараға реставратор Николай Бочаровтың коллекциясынан алынған еуропалық музыкалық аспаптардың көрмесі және Абай атындағы кітапхана қорынан кітап көрмесі дайындалды.