Ертіс өңірінің аңызға айналған бақтары : өлкетану қонақжайы

16 наурыз күні Абай атындағы кітапханада кітапхана пайдаланушылары мен қала тұрғындары үшін «Ерті өңірінің аңызға айналған бақтары» атты өлкетану қонақжайы өтті. Шараны дайындауға қаламыздың қонақтары, Өскеменнен келген өлкетанушылар, «Ертіс өңірі» өлкетану қоғамы, Абай атындағы кітапхана қызметкерлері қатысты.
Шараға қатысушылар Өскемен қаласының алғашқы бақтарына қатысты қызықты тарихи деректермен танысты. Қаланың тарихшысы және өлкетанушы Сергей Геннадьевич Щеглов Өскемендегі аты аңызға айналған бақтарды жасаған ерекше тұлғалар туралы ақпарат берді. Өскеменнің аты аңызға айналған бақтарының бірі – «Панкратев бағы», оны 20 ғасырдың басында Г.А. Вистениус құрды кейін ол бақ Дмитрий Гордеевич Панкратиевке мұраға қалды, ол бірегей коллекциялық өсімдіктерді жинауды жалғастырып қана қоймай, сонымен қатар бақша өсімдіктерінің жергілікті жоғары өнімді сорттарын өсіруді бастады. Өскеменнің тағы бір бірегей жобасы ақын, флорист-суретші және өлкетанушы Евгений Курдаковтың «Тамыр бағы» болды. Ол 1981 жылдың жазында Бутаково ауылында құрылған. Ақын бағының тақырыбының бірі – қазақ эпосы және оның шығармалары қазақ халқының тарихын, өмірі мен тұрмыс-тіршілігін баяндайды.
Біздің қалада да 19 ғасырда құрылған алғашқы бақтар болды: губернатор үйінің жанында (өлкетану мұражайы), Медициналық академия ғимаратының орнында, тіпті Ф.М. Достоевскийдің досы барон Врангелдің саяжайында өзінің шағын бағы болды, онда жазушы жазда өмір сүрген және гүлдермен жұмыс істеуді ұнатқан.
Шара қонақтары үшін дүниежүзі мен Қазақстанның бақшаларын құру мәдениеті туралы әңгімелейтін кітап көрмесі дайындалды.