Жас мамандар: тренинг

2013 жылдың 4 сәуірінде Шығыс Қазақстан облыстық Абай атындағы әмбебап кітапханасы қаржы–экономикалық колледжін бітіруші түлектерге арнап «Жас мамандар» тақырыбында тренинг өткізді.

Өткізілетін күні: 4 сәуір 2013 жыл. Өткізілетін орны: Р.Байсейітов атындағы қаржы–экономикалық колледжі. Қатысушылар саны: 108 адам. Іс-шараның мақсаты: колледж бітіруші түлектерге жұмысқа орналасуға көмек беру. Күтілген нәтиже: Қазақстанның Республикасының жастардың еңбекпен қамтылу мәселесіне қатысты білім деңгейін көтеру.

2013 жылдың 4 сәуірінде Шығыс Қазақстан облыстық Абай атындағы әмбебап кітапханасы қаржы–экономикалық колледжін бітіруші түлектерге арнап «Жас мамандар» тақырыбында тренинг өткізді. Тренингті ұйымдастырып өткізуге «Жұмыспен қамту және әлеуметтік бағдарламар» мемлекеттік мекемесі қолдау көрсетті. Аталып өтілген тақырыптағы тренингтерді өткізудің өзектілігі сонда, Президенттің жыл сайынғы халыққа арналған Жолдауында мемлекеттің әлеуметтік бағыт-бағдарларын құру және дамытуға басты көңіл бөлінуінде. Жастардың бәсекеге қабілеттілігін дамтыу және қолдау өте көкейкесті және Қазақстан Республикасының мемлекеттік саясатының стратегиялық басымдықтарының бірі болып табылады. Статистикалық мәліметтер бойынша Семей өңірінде 100 935 адам жастарды құрайды (30% тұрғындарға шаққанда), оның ішінде – 94 727 адам қалалықтар, 6208 адам ауыл тұрғындары. Ер адамдар – 48 915, әйелдер -52 020 адам. Қалада жастар саясатын іске асыруда саласында 30-дан астам жастар ұйымдары белсенді жұмыс жасайды. Қаржы–экономикалық колледжінің студенттері «Дипломмен ауылға», «Жұмыспен қамту-2020», «Жастар тәжірибесі», «Ауыл жастары» «Бизнестің жол картасы-2020» бағдарламаларымен танысты. «Жастар тәжірибесі» жобасының жүзеге асырылуы және қол жеткізген жетістіктері жайында Семей қаласы «Жұмыспен қамту және әлеуметтік бағдарламалар» мемлекеттік мекемесінің қоғамдық жұмыс және жұмыспен қамтуға жәрдемдесу секторының меңгерушісі Селиханов Хайрлбек Магзымұлы айтып өтті, яғни «Жол картасы» негізінде 2009 жылы жобаның жүзеге асырылуы жайындағы сұрақтарды ашып көрсетті. Бұл жоба аса тәжірибелі мамандармен бәсекелеске тұра алатындай түлектердің алған мамандықтары бойынша алғашқы жұмыс тәжіриебелерін жинақтауға қосымша шара ретінде бағытталған. Тәжірибенің қарастырған ең ұзақ мерізімі – алты ай. Жастар тәжірибесіне жоғары және орта мамандандырылған оқу орындарының түлектері жолданады. Колледж түлектеріне «Бизнестің жол картасы-2020» бағдарламасы бойынша, сонымен қатар еңбек жолын енді бастаған кәсіпкерлер мен жастарға арналған «Бизнес-ақылшы» семинар–тренингтерді оқытып өткізетін туралы көптеген нақты ақпараттар мен мәліметтер ұсынылды, ШҚО Абай атындағы әмбебап кітапханасының қызметкерлері тәжірибелік жаттығулар ретінде түйіндемелерді толтыру жағдайларын өткізді. Тренинг соңында қазақ және орыс тілдерінде «Түйіндемені қалай дұрыс құрастыру» туралы материалдар таратылды. Іс–шараны өткізу барысында «Қалай жұмысқа орналасу» атты кітап көрмесі оқырмандар назарына ұсынылды, онда кітаптармен мерзімді басылымдар қойылды. Әсіресе оқырмандарды Питер Аленның «Учимся торговать», Наполеон Хиллдың «Думай и богатей», Малколм Хорнбидің «Я могу сделать это!», Стюарт Ливайнның «Лидер в тебе», Неля Власованың «…и проснешься боссом» және т.б. кітаптары қатты қызықтырды. Мерзімді басылымдар беттеріндегі жарық көрінген еңбек нарығындағы жастар туралы мақалалар қазіргі кездегі жастардың жұмыспен қамтылуы мен жұмыссыздығы жайын ашып көрсетеді.