«Бейбітшілік әлемі» Халықаралық қазақ Творчестволық бірлестігінің президенті, профессор Ә.А.Нұрманов кітапханада қонақта
19 мамыр күні Абай атындағы кітапханада ШҚО мектеп оқушылары арасында «Бейбітшілік әлемі» Халықаралық қазақ Творчестволық бірлестігінің ұйымдастыруымен оқушылардың интеллектуалды шығармашылығының дамуына және заманауи білікті азамат болып қалыптасуына үлес қосу мақсатында Қазақстан Республикасы Тәуелсіздігінің 25 жылдығына арналған «Тәуелсіздік – тірегім, теберігім!» атты өнер фестивалі мен ғылыми-тәжірибелік конференция өткізілді.
Шараны ұйымдастырушы «Бейбітшілік әлемі» Халықаралық қазақ Творчестволық бірлестігінің президенті, БҰҰ Халықаралық адам құқығын қорғау комитетінің Қазақстан Республикасындағы өкілдігінің Президенті, генерал-майор, Қазақстан және Евразия Жазушылар Одағының мүшесі, Ресей Федерациясы Педагогика академиясының академигі, э.ғ.д., профессор Әбен Алдабергенұлы Нұрманов кітапханамыздың сирек басылымдар бөлімінде қонақта болып, құнды басылымдармен танысты.
Сирек қордағы төте жазу қарпімен баспа көрген Абайдың толық шығармаларының жинағы мен «Сельско-хозяйственный обзор за 1914 год», 1829 жылы жарық көрген Гомердің «Иллиядасы» кітаптарына Әбен Алдабергенұлы баса назар аударып, өзін қызықтырған сұрақтарын қойды. Толстойдың «Война и мир» шығармасын алып «менің үлкен өмірге қадам басуыма орыс жазушысының осы шығармасының маңызы зор болды»,-деп тебіреніп еске алды. Кітапханалардан таба алмай жүрген Шекспирдің қазақ тіліндегі шығармалар жинағын оқуға алып, кітапханамыздың оқырманы болып, өз қолтаңбасын қалдырып, ризашылығын білдіріп аттанды.