Ахмет Байтұрсыновтың шығармашылық мұрасы: кітап көрмесі

  • 21.05.2016

21 мамыр күні Абай атындағы кітапхана қызметкерлері жалпы білім беретін №20 орта мектепте өткен «Ашық есік күні» және Ахмет Байтұрсынов атындағы көшесінің мерекесіне қатысып қайтты.

Кітапхана қызметкерлері «Ахмет Байтұрсыновтың шығармашылық мұрасы» тақырыбында ғалымның шығармашылық қызметін ашып көрсететін кең көлемді кітап көрмесін ұйымдастырды. Көрмеге қазақ тілі білімінің іргетасын қалаушы, ірі-ғалым, ағартушы – педагог, сөз құдіретін танытқан танымал ақын, қазақ баспасөз тілінің ұлттық үлгісін көрсеткен талантты публицист, туған халқының рухани дүниесін көтеруге көп күш жұмсаған мәдениет қайраткері – Ахмет Байтұрсыновтың «Ақ жол», «Тіл тағылымы», «Маса», «Жоқтау» т.б. қаламынан туған шығармалары көпшілік қауымға ұсынылды.

24

Көрменің бір бөлімі Самырат Кәкішев, Бейбіт Қойшыбаев, Рәбиға Сыздыкова сынды әдебиеттанушылардың Ахмет Байтұрсыновтың сан қырлы қызметі туралы монографиялармен толықтырылды.Сонымен қатар көшенің тарихына, ақынның жазған шығармалары мен еңбектеріне және мерзімді басылым беттеріндегі мақалаларға шолу жасалынып, оқырмандарға құнды мәліметтер ұсынылды.