Менің сүйікті мультфильмдерім: кинозал

15 маусым күні Абай атындағы кітапханада №37 мектеп-гимназиясы жанындағы «Балауса» жазғы лагері балаларына «Менің сүйікті мультфильмдерім» тақырыбында мультфильмдер көрсетілді.

Балалық шақ – бұл өмірдегі ең қуанышты да тамаша кезең. Кішкентай бүлдіршіндер қоршаған әлемді белсенді түрде тани бастайды. Бұл кезеңде мультипликациялық фильмдерді көру аса маңызды болып табылады. Аталмыш шара аясында бүлдіршіндерге Disney/Pixar студиясының «Батыл жүрек» мультфильмі көрсетілді. Балалар басты кейіпкерлермен бірге уайымдап, соңында мультфильмді қызығушылықпен талқылап, алған әсерлерімен бөлісті. Анимациялық фильм кішкентай жеткіншектерімізге өмірде жақсылық пен жамандық қатар жүретінін, досқа адал болу керектігін, өз Отанының патриоты болу керектігін кино тілімен мінсіз баяндап берді. Шара соңында балалар бөлімнің медиатекасынан безендірілген көрме-пирамидамен танысты. Балалар «Суперсемейка», «Пиратские сокровища», «Иван Царевич және қасқыр», «Принцесса-лебедь», «Маша және аю» атты заманауи мультфильмдермен қатар, «Ну, погоди!», «Простоквашино», «Котенок по имени Гав» сияқты «Союзмультфильм» студиясының мәңгілік туындыларына аса қызығушылық танытты.