Яссауи әлемі – руханият әлемі: кітап көрмесі

5 шілде күні Абай атындағы кітапхана қызметкерлері Түркі халықтарына ортақ ұлы ойшыл – Қожа Ахмет Яссауидің дүниеден өткеніне 850 жыл толуына орай «Яссауи әлемі – руханият әлемі» тақырыбында кең көлемде кітап көрмесін жасақтады.

Аты әлемге әйгілі киелі Түркістан жерінің ғұламасы Яссауидің арғы тегі қожалар әулетінен. Ол арғы атасынан, әкесінен даңққа бөленген әулиелер.
Аталмыш көрмеге Яссауи өмір сүрген жылдардан сыр шертетін тарихи деректерге толы кітаптар мен ғаламтор беттерінен алынған қызықты ақпараттар қойылды. Іс- шараға қатысушыларға ғұламаның «Диуани хикмет: Ақыл кітабы» туралы шолу жасалып, 2011 жылы Алматыдағы «Эффект» баспасынан үш тілде жарық көрген «Қожа Ахмет Йасауи кесенесі» кітабы туралы ақпарттар берілді. Көрмеге кітапхана қорынан дана ғалым туралы сыр шертетін 40-қа тарта кітап, 30-ға тарта мерзімді басылым беттерінен мақалалар және ғаламтордан алынған мәлметтер қойылды.