Бүгінгі ұландар – ертеңгі ел қорғаушылар: патриоттық кеш
Қазақстан Республикасы қарулы күштерінің құрылғанына 25 жыл толуына орай Абай атындағы кітапхана қызметкерлері 4 мамыр күні «Бүгінгі ұландар – ертеңгі ел қорғаушылар тақырыбында патриоттық кеш ұйымдастырды. Кеш қонақтары 54835 әскери бөлімінің авиабаза майоры А.Калиев, авиабаза штабының Бақылау пунктінің Автоматты Басқару Жүйесінің инженері, аға лейтенант Е.Қ.Оспанов және 5511 әскери бөлімнің әлеуметтік-құқықтық жұмысы мен тәрбие жұмысы бойынша рота командирінің орынбасары лейтенант Р.Амиргазиндер болды. Шара барысында кеш қонақтары Қазақстан Республикасының Әскери Қарулы күштері, әскери қызметтің ерекшеліктері жайлы әңгімелеп берді. Патриоттық кешті Қазақстан Республикасының Әскері жайлы бейнематериал мен «Егемен елдің қорғаны – Қарулы күштер»- тақырыбында ұйымдастырылған дәстүрлі кітап көрмесі толықтырды. Еліміздің болашақ сарбаздары – арнайы ер балаларға арналған Шығыс Қазақстан облыстық «Жас ұлан» лицей-мектебінің тәрбиеленушілері мен кітапханамыздың «Ключ» авторлық әндер клубының мүшесі А.Пашкеевичтің орындауындағы патриоттық тақырыпта бірнеше әндер кешке жылы атмосфера сыйлады. Шараға медицина университеті мен гуманитарлық-заң және техникалық колледжінің студенттері қатысты.
