ЭКСПО-2017 көрмесі: виртуалды шолу

11 мамыр күні Абай атындағы кітапхана қызметкерлері Семей көпсалалы колледжінде ЭКСПО-2017 көрмесіне виртуалды шолу өткізіп қайтты. Колледж ұстаздары мен студенттері ЭКСПО көрмесінің шығу тарихы, алғашқы 629 жылғы Догоберт патшаның ұйымдастыруымен өткен, 1851 жылғы Лондонда өткен дүниежүзілік көрме тарихы туралы ақпаратты үлкен қызығушылықпен тындады. Дүниежүзілік көрмелерге жасалған виртуалды саяхатта, осы көрмелерде алғаш рет көрсетілген өнертапқыштардың өнімдері: телефон, ұялы телефон, сенсорлы экран, теледидар жайлы әңгімеленді. ЭКСПО көрмелерге жасаған саяхатта тындаушылар үшін ең қызықтысы Қазақстанның 2005 жылдан бастап дүниежүзілік көрмеге қатысқан ЭКСПО- 2005, 2008, 2010, 2012, 2015 жылғы көрмелер қойған павильондары туралы ақпарат болды.

Шара барысында негізгі акцент Астана қаласында биыл өтетін ЭКСПО – 2017 көрмесіне жасалды.

Павильондарды таныстыру барысында энергия үнемдеу ресурстарын павильон құрлысы кезіңде қолдану ғана емес, сонымен қатар, күн, жел, су және жер арқылы да энергия өндіру жолдары көрсетілді.
Шара соңында «Болашақ энергиясы» атты деректі фильм көрсетілді.