«Кітапхана ісі» номинациясы бойынша сыйлық
Мәдениет пен өнердің дамуына қосқан үлесі үшін мәдениет саласының қызметкерлері: әртістер, музыканттар, суретшілер, жазушылар мен ақындар, мұражай мен кітапхана қызметкерлері жыл сайын берілетін ШҚО әкімінің сыйлығымен марапатталды. Марапаттау рәсімі Шығыс Қазақстан облыстық драма театрында Шығыс Қазақстан облыстық мәдениет,архивтер және құжаттама басқармасының 2016 жылдың қорытындысы бойынша алқа жиынында өтті.
«Кітапхана ісі» номинациясы бойынша Абай атындағы облыстық әмбебап кітапханасы оқу залының басшысы Манжибаева Жаңылгүл Әділбекқызы марапатталды. Кітапхана ұжымы Жаңылгүл Әділбекқызын лайықты марапатымен құттықтап, еңбегіне жеміс, алдағы бастамаларына шығармашылық табыс тілейді.