Ғұмырын ұлы Абайға арнаған: сыр сұхбат
2013 жылдың 14 ақпанында Шығыс Қазақстан облыстық Абай атындағы әмбебап кітапханасы және Семей көп салалы колледждің ұйымдастыруымен «Ғұмырын ұлы Абайға арнаған» атты сыр сұхбат өткізілді. Шараның басты қонағы Қазақстан Жазушылар Одағының мүшесі, әдебиет және өнер зерттеуші, абайтанушы, Семей қаласының құрметті азаматы, «Құрмет» орденінің иегері Төкен Ибрагимовпен болған сыр сұхбат өте бір әдемі сезіммен өтті.
Өткізілген күні: 2013 жылдың 14 ақпаны. Өткізілген орны: Семей көп салалы колледжі. Қатысушылар: Семей көп салалы колледжінің бастауыш білім және филология тобының 1-2 курс студенттері мен ұстаздары. Қатысушылар саны: 93 адам. Шараның мақсаты: Абай, Шәкәрім, М.Әуезов сияқты халқымыздың асыл ұлдарының мұраларын жинақтап, насихаттап жүрген абайтанушы ғалым Төкен Ибрагимовпен кездесу арқылы жастарды әдебиетке, мәдениетке тәрбиелеу. Күтілетін нәтиже: Шығыс Қазақстан облыстық Абай атындағы әмбебап кітапхана қорында жинақталған зерттеуші ғалым Т.Ибрагимовтың әдебиет және өнер саласындағы шығармаларымен, Абай мұраларымен таныстыра отырып, Абайды жаңаша оқытуға қызықтыру.
2013 жылдың 14 ақпанында Шығыс Қазақстан облыстық Абай атындағы әмбебап кітапханасы және Семей көп салалы колледждің ұйымдастыруымен «Ғұмырын ұлы Абайға арнаған» атты сыр сұхбат өткізілді. Шараның басты қонағы Қазақстан Жазушылар Одағының мүшесі, әдебиет және өнер зерттеуші, абайтанушы, Семей қаласының құрметті азаматы, «Құрмет» орденінің иегері Төкен Ибрагимовпен болған сыр сұхбат өте бір әдемі сезіммен өтті. Туған жерге деген ыстық сүйіспеншілікпен тыңдап отырған жастарға «Абайтанушы, әдебиет және өнер зерттеушісі Төкен Ибрагимовпен әдеби кездесу» слайды арқылы жазушының рухани өмір жолының жарқын сәттері туралы айтылды. Жазушы 1976 жылдан бастап 35 жыл бойы Абайдың мәдени-тарихи және әдеби мемориалдық қорық мұражайын басқарып келді. Осы жылдар ішінде 8 мұражайға толығып, өсіп – өркендеп, дамуының басы – қасында жүрген шырақшының еңбектері ұлан-ғайыр. Сонда да жазушы аға өзі туралы емес, Семей өңірінің тамаша тұлғалары болып қалыптасқан Шәкәрім, М.Әуезов, Қ.Мұхамедханұлы, Шәкір, Көкбай ақын т.б. туралы тамаша тағылымды әңгімелерімен көпшілік қауымды ұйытты. Қатысушылар тарапынан студенттердің қойылған сұрақтары Абай туралы болды: «Абайды зерттеуге қашан келдіңіз?», «Махаббатсыз дүние бос» дегенді қалай ұғамыз?», «Қазір не жазып жатырсыз?». Жазушы аға әрбір қойылған сұраққа ұғынықты жауап берді. Осыдан кейін колледж студенттерінің ұстаздарымен бірлесіп дайындаған Абайдың он жетінші қара сөздері бойынша және «Ғылым таппай мақтанба» өлеңдерін жатқа айтып беріп, өздерінің тыңғылықты дайындалғандарын көрсетті. Соңынан Абайды сомдап, әнін салып жүрген Абай музыкалы драма театрының әнші актері Мырзахан Сыдықов Абай өлеңдері композициясынан фрагмент, «Көзімнің қарасы» әндерін орындап отырғандардың сусынын қандырды.
«Ғұмырын ұлы Абайға арнаған» кітап көрмесіне Абай, Шәкәрім шығармаларымен қатар, жазушының «Оймен оңаша», «Толқын толғау», «Индираға хат», «Жер әңігемші» кітаптары және «Семей таңы», «Ертіс өңірі», «Дидар» газеттеріндегі мақалалар қойылды. Қатысушылар назарына ұсынылғаны: 7 газет, 6 кітап, 6 кітапша. Жазушы кітапханаға және колледжге ризашылығын білдіріп қолтаңбасымен кітабын сыйға тартты және жастарға «Абай жолы» романын оқуды ұсынды. Шара соңында колледж директоры Әлия Қабылғазықызы жазушыға және кітапхана мамандарына пайдалы ақпараттары үшін ризашылығын білдірді. Студенттер жазушымен ескерткішке суретке түсті.