Қазақстан-2050 стратегиясы қалыптасқан мемлекеттің жаңа саяси бағыты: дәріс
2013 жылдың 7 ақпанында Шығыс Қазақстан облыстық Абай атындағы әмбебап кітапханасы Семей Мемлекеттік Медициналық университетінің стуенттеріне арнап дәріс ұйымдастырды. Дәрістің бірінші бөлімі – «Қазақстан-2030» Стратегиясының орындалу нәтижесін қорытындылай келе, «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауынан Қазақстанның жаңа саяси бағытын айқындау әлемнің жаһандық өзгерістер кезеңіне аяқ басқанымен байланысты.
Бұл ретте Қазақстан басшысы ХХІ ғасырдағы ел және өңір үшін он жаһандық сын-қатерлерді көрсетіп берді. Олардың қатарында демографиялық, азық-түлік қауіпсіздігі, судың өткір тапшылығы, өсе түсіп отырған жаһандық әлеуметтік тұрақсыздық, т.б. сын-қатерлер бар. Егер біз өзіміздің дамуымызда одан әрі де жаңа табыстарға жетуді жоспарлайтын болсақ, онда жоғарыдағы сын-қатерлердің әрқайсысын қаперге алуға міндеттіміз, деді Нұрсұлтан Назарбаев. Дәрістің екінші бөлімі – «Қазақстан-2050» стратегиялық Жолдауының негізгі бағыттарымен танысуға арналды.
Елбасы бұл стратегиялық Жолдауында мемлекетіміздің 2050-жылға дейін әлемдегі ең жоғары дамыған 30 мемлекет қатарына енуін ұлттық саяси даму стратегиясына негіз ете отырып, осы уақыт ішінде бағындырылуға тиісті жеті басымдықты айқындап берген еді. Олар: жаңа бағыттың экономикалық саясаты, кәсіпкерлікті жан-жақты қолдау, әлеуметтік саясаттың жаңа принциптері, білім және кәсіби біліктілік, мемлекеттілікті, қазақстандық демократияны дамыту, салиқалы сыртқы саясат, жаңа қазақстандық патриотизм. Дәрісті өткізу барысында кітапханашылар осы Жолдаудағы экономикалық саясатқа қатысты, медицина қызметі мен білім берудің сапасын жақсарту туралы мәліметтер беріп өтті. Шара соңында «Қазақстан-2050» стратегиялық Жолдауы Тәуелсіз елде туып, тәуелсіз елде білім, тәрбие алып жатқан жастардың азат ойлары мен кемел білімі еліміздің одан ары дамуына жұмсалуы тиістігі, жастарға еліміздің болашағы жүктелгені туралы айтылды. Дәрістің өтіу барысында слайд көрсетілімдері және еліміздің әлеуметтік-экономикалық өсуі туралы кескіндемелер көрсетілді.