Әріптестік қарым-қатынас: диалог-сұхбат
Шығыс Қазақстан облыстық Абай атындағы әмбебап кітапханасы қызметкерлері 2013 жылдың 4 қаңтарында Ақмола облыстық әмбебап-ғылыми кітапханасының көпшілік іс-шаралар және қоғаммен байланыс бөлімінің кітапханашысы Биттыбева Динара Еменжанқызымен диалог-сұхбат өткізді
Өткізілген күні: 4 қаңтар 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: кітапханашылар. Қатысушылар саны: 10. Іс-шараның мақсаты: кітапхана ісіндегі жаңашылдық туралы пікір-алмасу. Күтілетін нәтиже: әріптестік қарым-қатынасты, кітапхана саласындағы жаңашылдықты дамыту.
Шығыс Қазақстан облыстық Абай атындағы әмбебап кітапханасы қызметкерлері 2013 жылдың 4 қаңтарында Ақмола облыстық әмбебап-ғылыми кітапханасының көпшілік іс-шаралар және қоғаммен байланыс бөлімінің кітапханашысы Биттыбева Динара Еменжанқызымен диалог-сұхбат өткізді. Аталмыш шара барысында кітапханашылар Динараға сұрақ қоя отырып, өзге кітапханалардың көпшілік іс-шараларындағы жаңашылдықпен танысты. Қазіргі кезде пайдаланушылардың өскелең талабын қанағаттандыру, рухани байлығы мен жалпы қабілетін дамыту және жоғары эстетикалық талғамын қалыптастыру міндеттерін іске асыруда кітапханалардың алатын орны жайында сөз қозғай отырып, көпшілік іс-шараларды ұйымдастырудағы жаңашылдық жайлы, кітапхананың қазіргі кездегі қоғамдағы ролі жайлы ойларды дамыта отырып өткізілген диалог-сұхбат өте тартымды өтті. Іс-шара соңында кітапхана қызметкерлері Ақмола облыстық әмбебап-ғылыми кітапханасының кітапханашысы Биттыбаева Динараға «Писатели Семея», «Семей өңірінің тарихи тұлғалары», «ШҚО Семей аймағында 2012 жылы аталып өтілетін және еске алынатын күндер тізбегі» т.б. библиографиялық құралдарды тарту етті.