Шетелдік Үнді студенттері: сұхбаттасу
2013 жылдың 21 маусымында Шығыс Қазақстан облыстық Абай атындағы әмбебап кітапханасының шетел әдебиеттер бөлімі «Ымырттағы кітапхана» жазғы демалыс акциясы аясында Мемлекеттік Медицина университетінің шетелдік студенттерімен ағылшын тілінде кездесу ұйымдастырды.
Өткізілген күні: 21 маусым 2013 жыл. Өткізілген орны: Шығыс Қазақстан облыстық Абай атындағы әмбебап кітапханасының алаңы. Қатысушылар: Шетелдік студенттер және ағылшын тілі курсына қатысушы студенттер. Қатысушылар саны: 10. Мақсаты: студенттердің сөздік қорын дамыту, ағылшын тіліне деген қызығушылығын арттыру. Еліміздің мәдениетін, тарихын, әдет-ғұрпын, тілін насихаттау.
2013 жылдың 21 маусымында Шығыс Қазақстан облыстық Абай атындағы әмбебап кітапханасының шетел әдебиеттер бөлімі «Ымырттағы кітапхана» жазғы демалыс акциясы аясында Мемлекеттік Медицина университетінің шетелдік студенттерімен ағылшын тілінде кездесу ұйымдастырды. Кешке Үнді халқының студенттері шақырылды. Қазіргі уақытта елімізде көптеген шетелдік студенттер білім алып, тәжірибе алмасуда. Ол мемлекетіміздің дамығанын, беделінің өскенін, біліміміздің жоғары екенін білдіреді. Біздің жастарымыз да шетелде білім алып, елімізді насихаттап, тіл үйренгісі келеді. Осы мақсатпен өткен сұхбаттасу арасындағы кездесу қызықты, мазмұнды, нәтижелі болды. Кеш қонақтары студенттер Флозия, Асеф, Мусэйм және олардың жетекшісі, үйлестіруші – доктор Хусэйн болды. Шетелдік студенттер өздерінің елінің тарихы, мәдениеті, әдет-ғұрпы туралы айтса, жалынды жастарымыз халқымыздың ұлттық мейрамдарын, салт-дәстүрімізді, мәдениетімізді насихаттады. Сұхбаттасу барысында «затты сипаттау» атты ойын өтті, бірінші топ затты сипаттаса, екінші топ заттың атын атады. Шетелдік студенттер қатысушылардың тілді білу дәрежесін анықтады. Іс-шара соңында шетелдік студенттер және жетекшілері – Хусэйн – кітапханаға өз алғыстарын білдіріп, келешекте бірлескен түрде іс-шаралар атқаруға ұсыныс білдірді.