Сөнбес шамшырақ: әдеби-музыкалық библиокеруен

2013 жылы 13 шілдеде Шығыс Қазақстан облыстық Абай атындағы әмбебап кітапханасының «Семейдің көшелеріне есімі берілген тұлғалар» акциясы аясында, Қазақстанның халық әртісі, жерлес сазгер – әнші Болат Сыбановтың 75 жасқа толу мерейтойына байланысты қаламыздағы Б.Сыбанов көшесінің бойында «Сөнбес шамшырақ» атты библио-керуен ұйымдастырылып өткізілді.

Өткізілген күні: 13 шілде 2013 жыл. Өткізілген орны:Болат Сыбанов көшесі. Қатысушылар: Сыбанов көшесінің тұрғындары және сазгердің жұбайы мен балалары, немерелері, туған – туысқандары қалалық мәдениет және өнер саласының майталмандары. Қатысушылар саны: 53 адам. Шараның мақсаты: іс-шараға қатысушыларға Қазақстанның халық әртісі, жерлес ақын, композитор Б.Сыбановтың туғанына 75 жыл жыл толуына орай жас ұрпаққа эстетикалық тәрбие бере отыра, оның өмірі мен шығармашылығын кеңінен әйгілеу, жұртшылықтың назарын оның еңбектерін оқуға аудару;өмірі мен шығармашылығымен таныстыру. Күтілетін нәтиже: композитордың кітапхана қорында бар еңбектерінің оқылуына ықпал ету.

2013 жылы 13 шілдеде Шығыс Қазақстан облыстық Абай атындағы әмбебап кітапханасының «Семейдің көшелеріне есімі берілген тұлғалар» акциясы аясында, Қазақстанның халық әртісі, жерлес сазгер – әнші Болат Сыбановтың 75 жасқа толу мерейтойына байланысты қаламыздағы Б.Сыбанов көшесінің бойында «Сөнбес шамшырақ» атты библио-керуен ұйымдастырылып өткізілді. Шараға қатысушыларды «Қазақ әнінің ақбұлағы – Болат Сыбанов» тақырыбындағы көрме қарсы алды. Кітап көрмесінде Болат Сыбанов «Өнер – менің өмірім», «Сағынды елің үніңді», Б.Тәжібаев. «Ақбұлақ» және т.б. мерзімді басылымдар және кітаптар, композитордың шығармашылығы жайында жарияланған Интернет ресуртар қойылды. Сазгердің жары іс-шараны шашу шашып ашты. Шара барысында Қаламыздың құрметті азаматтары Төкен Ибрагимов, Балтабек Ерсалимовтер сөз алып, Б.Сыбановтың өнегелі өмірі туралы әңгімеледі.
Қазақ өнерінің дамуына өлшеусіз үлес қосып, әдемі әндерімен тыңдарман жүрегін жаулаған әнші, композитор Болат Сыбанов сыршыл да, әуезді әнімен халық жүрегіне жол тапқан.
Болат Сыбанов өзінің орындаушылық қабілетімен, асқақ даусымен, естен кетпес әндерімен өнер тарихында қалды. «Таң самалы», «Жайна Семей», «Жаным-ай», «Жан ана» әндері тыңдарман тарапынан жоғары бағасын алып, орындаушылардың репертуарындағы тұрақты шығармаларға айналған. Шара соңында Ә.Қашаубаев атындағы филармонияның әншісі Г.Еруова сазгер шығармашылығынан әндер орындады. Шара қатысушы қонақтарға естелік кітаптар сыйға тартылып, көше тұрғындарына сазгер туралы кітапхана қорынан дайындалған буклеттер мен бетбелгілер таратылды. Ұйымдастырылған шара көше тұрғындары үшін, әсіресе жас тұрғындар үшін маңызды шара болды.