«Ғұлама қаламгер дүниетанымы»: библиодесант

  • 16.07.2013

2013 жылдың 16 шілдесінде Шығыс Қазақстан облыстық Абай атындағы әмбебап кітапхана қызметкерлері Шәкәрім даңғылы аялдамаларында қазақ ақыны, аудармашысы, композиторы, тарихшысы Шәкәрім Құдайбердіұлының 155-жылдығына орай «Ғұлама қаламгер Шәкәрім дүниетанымы» атты библиодесант өткізді.

Өткізу уақыты: 16 шілде 2013 жыл. Өткізу орны: Шәкәрім даңғылы бойынша автобус аялдамалары: Қатысушылар – Семей қ. тұрғындары мен қонақтары. Қатысушылар саны – 125 адам. Іс-шара мақсаты: тұрғындарды Шәкәрімнің өмірі және шығармашылығымен таныстыру. Күтілетін нәтиже: Қазақ ғұламаларының тарихи-әдеби мұрасы жайлы білімді жоғарлату.

2013 жылдың 16 шілдесінде Шығыс Қазақстан облыстық Абай атындағы әмбебап кітапхана қызметкерлері Шәкәрім даңғылы аялдамаларында қазақ ақыны, аудармашысы, композиторы, тарихшысы Шәкәрім Құдайбердіұлының 155-жылдығына орай «Ғұлама қаламгер Шәкәрім дүниетанымы» атты библиодесант өткізді.

Тұрғындар назарын аудару мақсатында ШҚО Абай атындағы әмбебап кітапхана қызметкерлері қызыл галстук тағып, қолдарына жалауша ұстады.

10

Бұл іс-шара бізде жыл сайын өткізіледі. Қала тұрғындары автобус салондарынан «Семей көшелеріне есімдері берілген тұлғалар» деген атауы бар ақпараттық парақтар көрген болар. Солардың ішінде Шәкәрім бабамызға арналған ақпараттар да бар.

Автобус күтушілер мен жаяу жүргіншілер бұл іс-шара төңірегінде біздің кітапхана Шәкәрім Құдайбердіұлының 155-жылдығына арналған «Библиошаңырақ» іс-шаралар онкүндігін 15 нен 24 шілдеге дейін сағат 10:00 ден 20:00 Орталық саябақта орнатылған киіз үйде өткізетініне хабардар болды.

Қала тұрғындарына Шәкәрім туған күні қашан тойланып жүргендігі жайлы сұрақтар қойылды. Тек қатысушылардың жарты бөлігі ғана Шәкәрім туған күні жыл сайын 24 шілдеде тойланатынын білген. Ал шамамен 20% қатысушылар Шәкәрімнің кім екенін де білмейді екен. Сондықтан біздің библиодесант өз нәтижесін берді, бірталай қала тұрғындары Шәкәрім жайлы, кітапхана жайлы көптеген мағлұмат алды.

Біздің кітапхананың қоры Шәкәрімнің шығармаларына және Шәкәрім жайлы баспаларға толы. Барлық қатысушыларға Шәкәрім туралы, біздің кітапхана туралы, www.semeylib.kz кітапхана сайты туралы ақпарат жазылған бетбелгілер, буклеттер ұсынылды. Кітапхана қызметкерлері Абай, Шәкәрім және М. Әуезов өмірі мен шығармашылығына арналған «Шыңғыстаудың үш шыңы» деп аталатын сайттың бір бөлімін баяндап берді.