Сахараның дана ойшылы: библио-шаңырақ жобасы
Шығыс Қазақстан облыстық Абай атындағы әмбебап кітапханасы шілде айының 16-сы күні Шәкәрім Құдайбердіұлының туғанына 155 жыл толуына орай «Сахараның дана ойшылы» тақырыбындағы библио-шаңырақ жобасының ашылу салтанатын өткізді.
Өткізілген уақыты: 16 шілде 2013 жыл. Өткізілген орны: Орталық саябақ алаңы. Қатысушылар: қаланың зиялы қауымы, жоғары оқу орнының оқытушылары, саябақ демалушылары, кітапхана оқырмандары. Қатысушылар саны – 65. Шараның мақсаты: ақын, сазгер, философ Шәкәрім Құдайбердіұлының шығармашылығымен таныстыра отырып, ақын шығармаларының көркемдік және әдеби құндылығын насихаттау. Күтілетін нәтиже: Шәкәрім шығармаларының кітапхана қорында бар кітаптарын өз қажеттіліктеріне пайдалануын қамтамасыз ету.
Шығыс Қазақстан облыстық Абай атындағы әмбебап кітапханасы шілде айының 16-сы күні Шәкәрім Құдайбердіұлының туғанына 155 жыл толуына орай «Сахараның дана ойшылы» тақырыбындағы библио-шаңырақ жобасының ашылу салтанатын өткізді.
2013 жылы ақпан айында Шығыс Қазақстан облыстық мәдениет басқармасының бастамасымен Глубокое ауданында Шығыс Қазақстан облыстық мәдениет мекемелері қызметкерлерінің 1 Конгресі өткен еді. Осы Конгресте облыстағы әр мәдени мекеме 2013 жылы өткізетін имидждік шараларының тұсаукесерін өткізді. Аталмыш шарада Абай атындағы әмбебап кітапхана Шәкәрім Құдайбердіұлының туғанына 155 жыл толуына орай «Сахараның дана ойшылы» тақырыбындағы библио-шаңырақ жобасын ұсынып, ұлы ғұламаның шығармаларын насихаттау үшін онкүндік ұйымдастыру жоспарын ұсынған болатын. Шәкәрім шығармашылығын кеңінен насихаттап, қала жұртшылығы мен қала қонақтарына кеңінен таныстыру, кітапханаға көпшілік қауымды тарту мақсатында шараларды арнайы қазақ үйін тігіп, онкүндік ұйымдастыруды жөн көрді. Шараның саябақта өтуіне Орталық саябақ директоры Ф.С.Назарова мұрындық болып, қазақ үйін тігіп, техникалық жағынан қолдау көрсетті. Шәкәрім мерейтойы қарсаңында Абай атындағы кітапхана осы жоба аясында қазақ үйінде кітапхана қорындағы басылымдардан кітап көрмесін ұйымдастырып, қала жұртшылығын онкүндік бағдарламасымен таныстырды.
«Сахараның дана ойшылы» тақырыбындағы кең көлемді кітап көрмесінің тұсаукесерінде қаламыздың құрметті азаматтары Б.Ерсәлімов, абайтанушы Т.Ибрагимовтер алғы сөз алып, лента қию рәсімін жасады. Қазақ инновациялық университетінің оқытушысы, филология ғылымдарының кандидаты, шәкәрімтанушы А.Сейсекенова Шәкәрім шығармашылығы жайлы сөз алды. Қазақ үйінің ішінен орын алған кең көлемді кітап көрмесіне шолу жүргізілді. Шараға қатысушылар кітапхана қорындағы «Шәкәрім тағлымы», «Шакарим», «Возвращение поэта» деректі фильмдері мен «Шакарим» атты Қайым Мұхамедхановтың Қазақстан Жазушылар Одағының 1990 ж. 15 мамырда болған конференцияда сөйлеген баяндамасын тамашалып, мол ақпаратқа қанық болды. Шара соңында кітапханаға 16 оқырман жазылды.
Шілде айының 15-24 аралығында өтетін мерекелік онкүндік аясында ұйымдастырылған шаралар Орталық саябақта, Шәкәрім көшесінің бойында, Шәкәрім көшесімен жүріп өтетін автобустар мен аялдамаларда жалғасын табады. Ақын шығармашылығымен кеңінен танысқысы келетін көпшілік қауым үшін қазақ үйінде «Сахараның дана ойшылы» тақырыбындағы кітап көрмесі он күн бойы қызмет етеді. Біздің бұл игілікті шарамыз ақын шығармашылығын терең білгісі келетін көпшілік оқырман қауым үшін және қала қонақтары мен саябақ демелушылары үшін маңызды шара болады деген ойдамыз.