Кітапхана – білім орталығы: кітапханаға саяхат

13 қыркүйекте қала колледждерінің бірінші курс студенттері үшін кітапханада «Кітапхана – білім орталығы» атты кітапханаға саяхат ұйымдастырылды.

Радиотехника және байланыс колледжі мен «Жастар» колледжінің студенттері  кітапхана тарихы мен бөлімдерімен, бірегей кітап қорымен, кітапхананың ақпараттық мүмкіндіктерімен және электрондық ресурстарымен, клубтар мен үйірмелердің жұмысымен танысты.

Іс-шара барысында бірінші курс студенттеріне кітапханада ақпарат іздеу әдістемесі бойынша кеңес беріліп, студенттер кітапхана сайтымен танысты, онлайн-режимде виртуалды анықтама алуға болатыны туралы мәлімет ұсынылды.

Студенттер “Абайдың рухани орталығына” барып, XVIII ғасырдың соңынан бастап ХХ ғасырдың басында жарық көрген  сирек басылымдармен танысты.

Кітапханаға саяхат жастардың кітапқа және оқуға деген қызығушылығын оятып, оларды кітапхана кеңістігінде бағдарлауға үйретеді.

Біздің бұл ынтымақтастығымыздың нәтижесінде 1 курс студенттері біздің тұрақты оқырмандарымызға айналып, олар оқуларында үздік жетістіктер мен жоғары нәтижелерге жететіндігіне сенімдіміз.