Құқық мәдениеті: құқықтық сағат
ШҚО Абай атындағы кітапханада 10 желтоқсан күні құқықтық-әлеуметтік ақпарат лекториі шеңберінде, технологиялық колледж студенттерімен «Құқық мәдениеті» атты тақырыпта ақпараттық сағат ұйымдастырылды.
Кітапханашы мамандар еліміздің заңдарын құрметтеу, заң мәртебесін әрбір қазақстандықтардың қадірлеу керек екенін және міндетті екенін студенттерге жетік түсіндірді. Заң талаптарын бұзбау, екінші жағынан өзіне жүктелген міндетті дұрыс орындау қажеттігі жайында да мағлұматтар кеңінен айтылды.
Заңгер Исбаев Қуатбек Берікболұлы әрбiр Қазақстан азаматы Қазақстан Республикасының Конституциясын және заңдарын сақтауға, басқа адамдардың құқықтарын, бостандығын, ар-ожданы мен қадiр-қасиетiн, Республиканың мемлекеттiк нышандарын құрметтеуге мiндетті екенін басып айтты. Бүгінгі таңда қоғамның алдында тұрған басты мәселенің бірі – балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Бұл жағдай қазіргі таңда көкейтесті мәселелердің біріне айналып отырғандығы жөнінде де студенттермен бөлісті.
Студент жастар өздерінің көкейлеріндегі: Жасөспірімдердің ұрлық жасағаны үшін қандай жаза бар?, Жазда кәмелетке толмағандарды жұмысқа орналастыру жөніндегі ойыңыөз?, Қаламызда заңды кеңес алу үшін қайда баруға болады? деген т/б. көптеген сұрақтарды қою арқылы өз ойларын ортаға салып, қойған сұрақтарына заңгердің берген бірден жауабын алып, кітапхана қызметкерінің бағыты бойынша қатысушылар арасында тартымды сұхбат өрбіді.
Шара кітапхана қызметкерінің дайындаған «В мире современного права» атты көрмеге шолу жасаумен жалғасын тапты. Кітап көрмесінде тақырыптың мағынасын, мәнін кеңінен ашатын Конституция РК, Ғ.Сапарғалиевтың «Қазақстан Республикасының Конституциялық құқығы», основные законы и кодексы, Қазақстан Республикасындағы білім туралы заңнама, заңға қатысты мерзімді басылым беттеріне жарияланған мақалалар т/б. ұсынылды.
Адамгершілік, адалдық, әділдік пен мейірімділік арқылы саяси саналығы мен таным белсенділігі арттқан қатысушылардың ақпараттық сағаттан патриоттық рухы мен жігері көтеріліп тарқасты.
.
