Мартин Лютер Кинг күніне орай: ақпараттық сағат
17 қаңтар күні Абай кітапханасында Америка сөресі аясында АҚШ-тағы қара нәсілді азаматтардың құқықтары үшін күресуші, америкалық дін әрі қоғам қайраткері, Нобель сыйлығының лауреаты Мартин Лютер Кингке арналған ақпараттық сағат ұйымдастырылды.
Қатысушыларға Мартин Лютер Кингтің өмірбаяны мен саяси қызметі туралы баяндайтын ағылшын тілінде бейнепрезентация ұсынылды. «Мартин Лютер Кинг» атты деректі фильм барысында белгілі қоғам қайраткерінің халық алдындағы сөйлеген сәттері көрсетілді.
Шара соңында қатысушыларға Мартин Лютер Кингтің өмірі жайлы викториналық сұрақтар қойылып, арнайы дайындалған тақырыптық кітап көрмесіне шолу жасалды.
