«Абай әлемі» кітаптар топтамасы – 2019: әдеби экспозиция

23 қаңтар күні Абай атындағы кітапханада ұлы ақын Абай Құнанбайұлының туғанына 175 жыл толуына орай,  «Қазақ Инновациялық академиясының» студентері үшін «Абай әлемі»  кітаптар топтамасы-2019: әдеби экспозиция ұйымдастырылды.

Әдеби экспозицияға ұлы ақын шығармаларымен қатар, ақын шығармашылығына арналған зерттеу еңбектерімен қатар, 2018, 2019 жылдары  «Абай әлемі» кітаптар сериясымен шыққан кітап авторларының фотопортреттері мен кітаптары қойылды.

Кітапхана қызметкерлері ақын өмірбаяны, шығармашылығымен, ақынның қоғамдық қызметімен қатар, студенттерді «Абай әлемі» сериясы бойынша 2018 және 2019 жылы жарық көрген   кітаптар топтамасымен таныстырды.

Екінші бөлімде танымал, талантты жерлестеріміз   Тыныштықбек Әбдікәкімовтың «Жұмақ күн», Қалихан Алтынбаевтың «Қайран өмір…», Көпен Ерқасовтың «Елім менің», Айтмұхамбет Қасымовтың «Туған жер әуендері», Бақытжан Раисованың «Желдің күн беті», Станислав Черныхтың «Неутомимый краевед Рудного края»,  Мерей Қарттың «Қарашықтағы құбылыстар» , Бауыржан Игілік пен Қызырбек Дүргінбайдың шығармалары және қаламыздың отыз сегіз, жас қаламгерлерінің шығармашылығынан құралған «Жастықтың оты жалындап» атты жинақтары қатысушылар назарына ұсынылды.

Серияның мақтанышы – жүз жыл бұрын жарияланған Батыс Сібір Орыс Императорлық Географиялық Қоғамының Семей бөлімшесі мүшелерінің ХІХ-ХХ ғасырлардағы бірегей зерттеулер жинағы. Оған қаламыздың өлкетану тарихында өз ізін қалдырған көптеген танымал зерттеушілердің еңбектері енді.

Шара соңында Абай атындағы кітапхананың маманы Қ.Кенжебекұлы Абайдың  «Өлсем орным қара жер, сыз болмай ма» әнін орындады.