Абай және кітапхана: ақпараттық-танымдық сағат

2020 жылдың 4 ақпанда Абай атындағы кітапханада «Бизнес және қызмет көрсету» колледжінің оқытушылары мен студенттеріне арнап, «Абай және кітапхана» тақырыбында ақпараттық-танымдық сағат өткізіліп, кітапхана бойынша экскурсия жүргізілді. Іс-шара Абай Құнанбаевтың 175 жылдық мерейтойы аясында өтті. Іс-шараға қатысушылар кітапхана дамуының тарихи кезеңдерімен танысып, Абай кітапханасының құрылу бастамашысының бірі болып табылғанын, Абай мен Е. П. Михаэлистің кітапхана қабырғасында танысқандығын, ұлы ақынның қоғамдық өміріндегі орыс достарының рөлі туралы білді. Шара барысында «Абай – кітапхана оқырманы» және «Абайдың орыс достары» атты бейнероликтер көрсетіліп, ақпарат ауқымы  толықтырып берілді.

Сонымен қатар, студенттер мен оқытушыларды Абай оқыған кітаптармен  атап айтқанда: орыс жазушылары Л. Н. Толстой, А. С. Пушкин, И. А. Крылов, Ф. М. Достоевский, Ю. М. Леромонтов және т.б, Батыс ақын-жазушылары И. В. Гете, Ф. Шиллер және т.б.ақын  жазушылардың кітаптарымен таныстырды. Бұл баға жетпес қазынаның бір сыпырасын Абай тек оқып қана қоймай, қазақ тіліне аударған. Сонымен қатар катысушыларды философия, психология, әлем тарихы бойынша Г. Т. Боккль, Г. Спенсердің және басқа да авторлардың Абай үшін оның ой әлеміне жолсерік болған кітаптармен таныстырды.

Студент жастар Абайдың әдеби және музыкалық қызметі туралы да көптеген қызықты ақпараттармен сусындады. Шараның музыкалық нүктесін кітапхана қызметкері  Қуандық Кенжебекұлы домбыраның сүйемелдеуімен  Абайдың «Желсіз түнде жарық ай» әнін орындап шықса, колледж студенттері орыс тілінде «күз» және қазақ тілінде “Өлең – сөздің патшасы, сөз сарасы»атты Абай Құнанбайұлының  өлеңдерін нақышына салып оқып, қатысушыларды рухани сусындатып, тамсандырды.