Заманауи балаларжәне кітап: олардың назарын кітап оқуға қалай аудару керек: тікелей эфир
14 тамызда Facebook әлеуметтік желісінде Абай атындағы Шығыс Қазақстан облыстық әмбебап кітапханасы нумеролог Уәлиханова Гүлжан Ерланқызы «Заманауи балалар және кітап: олардың назарын кітап оқуға қалай аудару керек» тақырыбында тікелей эфирөткізді. Гүлжан Ерланқызы Нұрсұлтан қаласындағы Н.Сидорованың «Идеал» нумерологиялық мектебінің өкілі екенін айтты.
Сөзінің басында Гүлжан Ерланқызы биылғы жыл Абайдың мерейтойы екенін атап өтті және барша қауымды айтулы күнімен құттықтады. Әрі қарай, эфир қонағы ерте жастан бастап, балалардың кітап оқуын қалыптастыруға үлкен мән беру керектігін айтты. Интернеттің, түрлі гаджеттердің ақпарат көзі болып табылатын қазіргі жағдайда ата-аналар балаларына оқуды әдетке айналдыруы керек. Жасөспірім үшін бұл қағаз түрінде, электронды форматтағы немесе аудиокітаптар болуы мүмкін. Гүлжан Ерланқызы ата-аналарға заманауи балаларда оқуға ынталы атмосфера құруға, балалардың талғамдарын ескере отырып кітап таңдауға, ата – аналар өздері үлгі көрсетіп – кітап оқыса, балалардың оқуға ынтасы болуатынын тілге тиек етті. Гүлжан Ерланқызы сонымен қатар ата-аналарға нумеролог ретінде оқуды қалыптастыру кезінде балаларының мінез-құлқын ескеруге кеңес берді. Ата-аналарға балалардың туылған күнін ескере отырып, оқу дағдыларын қалыптастыру бойынша кеңестер берді. Мысалы, туған күнінде 2 саны басым болатын балалар өте белсенді, жігерлі, тыныш, олар ұзақ отыра алмайды, сондықтан олардың белсенді әрекеттері «тыныш әрекеттермен», соның ішінде оқумен қатар жүруі үшін арнайы уақыт бөлу керек. Туған күніндегі 4 саны бар балалар үшін «тәртіп, міндет» дегенді білдіреді, сондықтан мұндай балалармен сіз парызды сезіне отырып, оқу кезінде басқара аласыз. Туған күні 5-тен тұратын балалар эмоционалды, көркем, сезімтал және ата-аналар бұл факторды ескеріп, мәнерлеп оқу, рөлдік оқу, түрлі-түсті суреттері бар әдемі кітаптарды ұсыну керек. Трансляцияның соңында эфир қонағы өз отбасындағы балаларда оқудың қалыптасу тәжірибесімен бөлісіп, тікелей эфирдегі барлық қатысушыларға сәттілік тіледі.