ХIX- Тарихи оқулар: zoomконференция
Ағымдағы жылдың 11желтоқсанында Абай атындағы кітапхана «Региональная история – основа духовного нравственного развития личности и становления гражданственности» атты халықаралық ғылыми-практикалық тарихи оқуларға қатысты. Zoomконференцияның ұйымдастырушысы аталған конференцияны 19 – рет өткізіп отырған қаламыздағы Электротехникалық колледж.
Шараға қаламыздың колледждері мен Омбы қаласының студенттері, педагогтары, өлкетанушылар және Абай атындағы кітапхана қатысты. Кітапхана қызметкері «Кітапхана – ХIX ғасырдағы Семей қаласының мәдени дамуының қайнар көзі» атты баяндама дайындап ұсынды. Баяндамада ХX ғасырға дейінгі кітапхананың ірге көтеруі мен дамуы және халыққа оқу мәдениеті мен өздігінен білімін көтерудің негізін қалаған өлкенің алғашқы мәдениет ошағы болғандығы жайлы ақпарат берілді. Конференция қатысушылары Семейдің қоғамдық кітапханасының алғашқы оқырмандары қатарында қазақтың кемеңгер ақыны Абай Құнанбаев болғанын білді. Кітапханашы сондай-ақ Абай мен оның ұлдарының кітапхананың іргелі мәдениет ошағына айналуына, қаладағы оқу-ағарту ісіне демеушілік жасаған қайырымды істерімен таныстырды. Конференция қатысушылары қоғамдық кітапхананың сирек қорындағы Абай заманындағы әдебиеттермен танысуға мүмкіндік алды.
