Кітапханадағы қуанышты жаңалық

ҚР Мәдениет және спорт министрлiгiнің кеңесшісі Жұрынбаев Ерлан Садықұлы, «Абай»  атындағы Халықаралық  қорының басқарма төрағасы, қор қаржыгері, кәсіпкер Беймембаев Ермек Айтқалиұлы, Халықаралық «Абай» атындағы мәдениет пен өнерді қолдау қорының атқарушы директоры Ғафуров Аслан Қабылбекұлы кітапханамызда болып, Абай Құнанбаевтың 175 жылдық мерейтойын қорытындылау мақсатында қаламыздың бірқатар зиялы қауым өкілдерін ҚР Мәдениет және спорт министрлiгiнің ұсынысымен, Халықаралық «Абай» атындағы мәдениет пен өнерді қолдау қорының  «Абай» медалімен марапаттады. Шараға қала әкімінің орынбасары Садырбаев Айдар Серікқазыұлы және бірқатар зиялы қауым өкілдері қатысты.

Абай тұлғасы мен мұраларын көпшілікке жан-жақты нсаихаттау мақсатында сіңірген еңбектері үшін профессор, Қазақстанның еңбек сіңірген қайраткері А.С. Еспенбетовке, Абай институтының директоры Ж.М. Әубәкірге, алаштанушы Қ.Ж.  Нұрқасымға, ақын, Мемлекеттік сыйлықтың  иегері Т. Әбдікәкімұлына, қазақ күресінен Қазақстан чемпионы А.Нұғымаровқа, Әміре Қашаубаев атындағы мемлекеттік филармонияның директоры А.С. Бекбосыновқа пен  филармонияның әншісі Қ.Қабышевқа, Абай театрының директоры Б.Х. Төлековке және ақын, Шәкәрім университетінің  PhD  докторы Қарлығаш Әубәкіроваға, “Ұлы ақын Абай ұлдарымен” ескерткішінің авторы Н.Қалиевке, мәдениет саласының қайраткері Дәмеш Омарбаева мен оның шәкірттері жас ақындар М. Қарт пен Б. Игілікке «Абай» медалі тапсырылды.

Шара барысында Әміре Қашаубаев атындағы мемлекеттік филармонияның директоры А.С. Бекбосынов өзінің «Телқара» күйін орындап, филармонияның әншісі Қайрат Қабышев «Құнанбай» әнін орындады. Жас ақындар Абайға арнау өлеңдерін оқыды.

Қонақтар 2018-2020 жылдары «Абай әлемі» жобасымен жарыққа шыққан  кітаптар топтамасымен танысты.

Марапатқа ие болған жерлестерімізді шын жүректен құттықтаймыз! Шығармашылық табыстар тілейміз!