Естеліктегі Алаш: бейнедәріс
2021 жылдың 24 ақпан күні ШҚО Абай атындағы әмбебап кітапханасының Fаcebоok парақшасында әр сәрсенбі күні «Алаш» жобасы аясында өткізілетін тікелей эфирінің қонағы белгілі алаштанушы, ғалым Сағымбай Ботайұлы Жұмағұловпен «Естеліктегі Алаш» тақырыбында тікелей эфирде бейнедәріс өтті.
Шара барысында Алаш қайраткерлеріне қатысты бүгінгі таңда елімізде атқарылып жатқан шараларды айта отырып, мазмұнды дәріс өткізді.
Қазақ руханиятына сүбелі үлес қосқан алаш арыстарының өмірі мен шығармашылығын зерделеп жазылған «Алаш естеліктері» атты кітаптың жарыққа шыққандығын айтып, таныстырды. Осы естеліктерде ұлттық құндылықтарды сақтау, ұлтқа ақ адал алаш қайраткерлерінің тағылымды ғұмыры, қоғамдық-саяси қызметтерінен сыр шертетін деректі құжаттар алаш қайраткерлерінің ұрпақтарының естеліктерінен жазылғандығын айтып өтті. Аталмыш кітап 6 тараудан тұратынын, әр бөлімде алаш қайраткерлерінің өмірінен сыр шертін, мұраларынан хабардар беретін материалдар енгізілген тілге тиек етті.
Шығыс өңірі, оның ішінде Семей – Алаштың астанасы болғандығын атай отырып, Жұмахан Күдерұлының, Мәннан Тұрғанбаевтың, т.б. алаш қайраткерлерінің өнегелі өмірі туралы ой қозғады. Алаш зиялыларының жарлары мен ұрпақтары, мұраттас серіктері мен ізбасар тұлғалардың, ұлтшыл азаматтардың қанымен жазылған естеліктері тәуелсіздігімізді қастерлеуге, асылдарымызды бағалауға ой салады деп ойын түйіндеді.