Наурыз – достық пен гүлденудің мерекесі: кітап көрмесі
Наурыз айының 19 жұлдызында Абай кітапханасында Әуезов полиция бөлімінің қызметкерлеріне экскурсиясы өткізілді, жас мамандар кітапхана тарихымен, сирек қор бөлімінде сақталған Ұлы Абай оқыған кітаптармен танысты.
«Наурыз – достық пен гүлденудің мерекесі» атты кітап көрмесінен полиция қызметкерлері, 5000 жылдық тарихы бар Наурыз мерекесінің тарихымен, әртүрлі түркі халықтары арасында Наурызды тойлаудың ерекшеліктерімен, Наурыз мерекесін тойлау кезінде сақталған дәстүрлер мен әдет-ғұрыптар туралы мағлұмат алды. Наурыз мерекесінің тарихы мен тойлануынан хабар беретін «Қош келдің, Наурыз», С.Кенжеахметұлының «Қазақ халқының салт-дәстүрлері» және «Қазақтың дархан дастарханы», қазақтың ұлттық ойындары жайлы кітаптар кітап көрмесін аша түсті.
