Сан қырлы суреткер – Кәдірбек Сегізбайұлы – ақпараттық сағат

29 сәуір күні ШҚО Абай атындағы әмбебап кітапханасында Қазақтың қабырғалы қаламгері Кәдірбек Сегізбайұлының  80 жасқа толуына орай  “Сан қырлы суреткер – Кәдірбек Сегізбайұлы” атты тақырыпта ақпараттық сағат өткізілді.

Шара  барысында  кітапхана оқырмандарына белгілі жазушының өмір жолы, шығармаларымен таныстырып, Абай атындағы әмбебап кітапхананың қорындағы кітаптардан көрме ұсынылып, библиографиялық шолу жасалды.

Кәдірбек Сегізбайұлы – өткен ғасырдың 60-70-жылдардағы әдебиетке келген буынның ірі өкілдерінің бірі. Оннан астам әңгіме, хикаят жинақтарының, романдардың авторы.

М. Әуезов атындағы сыйлықтың иегері, Көркем шығармалардың республикалық жабық конкурсында екі дүркін бірінші және екінші жүлдесіне ие болған.  Жазушының кітапхана қорындағы  «Ашылмаған сыр», «Қойнаудағы ауыл», «Біз қалада тұрамыз», «Жол», «Беласқан» атты еңбектері жайында оқырман қауымға мағлұмат берілді.