Актер әлемі: хабарлама сағаты

25 қазан 2013 жылы Шығыс Қазақстан облыстық Абай атындағы әмбебап кітапханасында «Өнер өлкесінде» клубының аясында «Актер әлемі» атты хабарлама сағаты өткізілді.

Өткізілген күні: 25 қазан 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: көпсалалы колледж студенттері, кітапхана пайдаланушылары.
Қатысушылар саны:13 адам. Шараның мақсаты: қазақтың актерлік өнерінің қыр – сырымен жақынырақ таныстырып, жас ұрпаққа эстетикалық тәрбие беру. Күтілетін нәтиже: актерлар, театр өнері жайында кітапхана қорында бар әдебиеттердің алынып, оқылуына ықпал ету.

25 қазан 2013 жылы Шығыс Қазақстан облыстық Абай атындағы әмбебап кітапханасында «Өнер өлкесінде» клубының аясында «Актер әлемі» атты хабарлама сағаты өткізілді. Шара барысында көрме ұйымдастырылып, қазақтың атақты халық әртістері мен жас актерларының өмірі мен қызметі туралы кітаптар, олар туралы лебіздер, фотоматериалдар қойылды. Атап айтқанда: Әшірбек Сығай. Актер әлемі. –Алматы, «Ан – арыс»2008; Әлемдік өнертану.Театр өнері.т.1. – Алматы:Өлке, 2008 ж; Қожамқұл Р.Шеберлік шыңы. Алматы: «Киізкітап», 2010 ж; Кежетаев К. Асылдар мен ардақтылар. Естеліктер.-Алматы:«Өнер», 2002; Құндақбайұлы Б.Театр туралы толғаныстар. Алматы: «Өнер» баспасы, 2006; Тұранқұлова Д. Сахна тілі. Алматы: «Білім», 1998 ж және т.б. барлығы 18 әдебиет пен мерзімді басылымдар және Ғаламтордан материалдар қойылды. Кітапхана қызметкерлері қазіргі актер қандай рөлде ойнаса да оның өнерінен, ой – өрісінен, үміт – арманынан, мұң – мүддесінен, көзқарас, қимылынан қоршаған орта, бүгінгі тұрмыс, қоғам құрылысының нышаны айқын сезіліп тұратындығы жайлы қатысушыларға әңгімелеп берді. Шара соңында қатысушылар алғыстарын білдіріп, хабарлама сағаттарының жиі өтіп тұруын өтінді.