Ынтымақтастық көкжиектері: Тәуелсіз Мемлекеттер Достастығына – 30 жыл: кітап көрмесі

2021 жылы Тәуелсіз Мемлекет Достастығының құрылғанына 30 жыл толып отыр.  Осы орайда Абай атындағы кітапханада 4 мамыр күні «Ынтымақтастық көкжиектері: Тәуелсіз Мемлекеттер Достастығына – 30 жыл» тақырыбында кең көлемді кітап көрмесін ұйымдастырды. Тәуелсіз Мемлекеттер Достастығы (ТМД) – ыдыраған КСРО орнына 1991 ж. 21 желтоқсанда құрылған халықаралық ұйым. 1991ж.  Әзірбайжан, Армения, Беларусь, Қазақстан, Қырғызстан, Молдова, Ресей, Тәжікстан, Түрікменстан, Өзбекстан басшылары Алматыда 21 желтоқсанда ТМД-ны құру туралы Келісім хаттамасына қол қойды.

Кітап көрмесіне Қазақстан Республикасының ТМД ұйымының тиімділігін арттырудағы, оған мүше мемлекеттердің экономикалық өркендеуін қамтамасыз  етудегі орнын айшықтайтын кітаптар қойылды.

Көрмеге Қазақстан Республикасының Тұңғыш Президенті Н.Ә.Назарбаевтың ТМД-ны әлемдік бәсеке талабына сай негізделген бірлестік ретінде  қалыптастырудағы бастамашылығын айшықтайтын,  Достастық елдері халықтарының арасында өзге тәуелсіз республикалар азаматтарына,  ұлттарына, осы республикалар басшыларының жүргізіп отырған саясатына құрметпен қарау, осы республикаларда өмір сүріп жатқан отандастарының тағдырына, болашағына алаңдамайтын сенім қалыптастыруда атқарылған  істер жайында жазылған кітаптар ұсынылды.

Оқырмандар ТМД-ға мүше мемлекеттер жайында, олармен дипломатиялық қарым-қатынастар, сауда-экономикалық байланыстар жайындағы кітаптармен таныса алады.

Кітап көрмесі оқырмандар назарына  6 мамырға дейін ұсынылады.