Олжас Сүлейменов 85 жаста: шығармашылық кездесу
20 мамыр күні Ұлттық Академиялық кітапханасы және Қазақстан Жазушылары одағының ұйымдастыруымен онлайн форматта Қазақстанның халық жазушысы, ақын, мемлекет және қоғам қайраткері Олжас Сүлейменовпен кездесу өтті.
Кездесуге еліміздің барлық облыстары мен өңірлерінің кітапханалары қатынасып, ақынға жүрекжарды тілектерін білдіріп, шығармашылығынан өлеңдер оқыды. Аталмыш шараға кітапханамыздың қызметкерлері Қуандық Кенжебекұлы мен Бауыржан Игілік қатысып, Олжас Омарұлының әдебиеттегі орынын айта келе, ұлтымыздың қасыреті – Семей ядролық полигонын жабуға мұрындық болған еңбегі үшін ақынға зор алғысын білдірді. Сөз соңында автордың «Семсер» өлеңі оқылды.
