Көк тудың желбірегені: тікелей эфир
Шығыс Қазақстан облыстық Абай атындағы кітапханада 2 маусым күні сағат Қазақстанның мемлекеттік рәміздері күніне орай ҚР Мәдениет қайраткері, Қазақстан Жазушылар одағының мүшесі, ақын, «Көк тудың желбірегені» әнінің авторы Алмас Ахметбекұлымен ZOOM платформасында онлайн кездесу өтті.
«Көк тудың желбірегені» әні – сағымды сағынышқа толы, жанды тебірентіп, рухты оятатын нағыз патриоттық ән. Ол арнайы тапсырыспен жазылған ән емес. Ол атамекенге деген ыстық сағыныш пен бойдағы елжандылықтан туған ән. Тарихи отанына жете алмай жүрген өзге елдердегі қазақ бауырлардың жүрегінің лүпіліндей естілетін ән деп бастады алғысөзін Алмас Ахметбекұлы.
Ақын өзінің өмір жолы туралы қызықты тың ақпараттар берді. Кітапқа, әдебиетке 6 жасынан бастап құмартқанын, көп жылдар Шәуешек қаласында шығарылатын «Тарбағатай» әдеби журналында қызмет істеп, 1993 жылы елге оралғанын тілге тиек етті.
Өлеңнің жазылу тарихына тоқталған ақын: Қытайдың Шәуешек деген мекенінде бір топ қазақ бауырлармен жиналып, 1992 жылы Алматыда тәуелсіз елдің көк туы қабылданғанын, Елбасы байрақты тізерлеп тұрып сүйгенін экран алдында отырған қандастар көріп, көз жастарына ерік береді. Ақын өзі көк туды Қорғас шекарасынан елге өтіп келе жатқанда көріп, самал жел соғып тұрғанда көк ту әуелеп, желбіреп тұрды. Сол кезде ақын жүрегі елжіреп, бойын ерекше бір сезім билеп, «Көк тудың желбірегені» деген өлең жолдары ойына келіп, Алматыға келген кезде өлеңнің қалған жолдары жазады. Бүгінгі күні әнді жас әнші Ибрагим Ескендір нақышына келтіре орындап жүргеніне риза болған Алмас Ахметбекұлы тыңдармандаға бірнеше патриоттық өлеңдерін оқып берді.
