Тез оқуды үйреніңіз: республикалық жылдам оқу сайысы
Шығыс Қазақстан облыстық Абай атындағы әмбебап кітапханасымен С. Сейфуллин атындағы Алматы облыстық әмбебап кітапханасы бірлесіп ұйымдастырған Қазақстандағы балалар мен жасөспірімдердің кітап оқуын қолдау жылы аясында, оқудың жоғары мәдениетiн қалыптастыру, балалардың оқу сауаттылығын дамыту мақсатында 4 сынып оқушылары арасында «Тез оқуды үйреніңіз» атты онлайн республикалық жылдам оқу сайысы Zoom платформасы арқылы өтті. Сайыс шарты бойынша балаларға оқуға тілі жеңіл, оқиғасы қызықты, жас оқырман көңілінен шығатын «Алдар көсе хикаялары» атты кітабы ұсынылып, аталған шығарманың белгіленген бетін минутқа оқып, мәтінін айып береді. Екі жақтағы онлайн сайысқа қатысқан балдырғандар өздерінің оқу техникасының жоғары деңгейде екендігін көрсете білді. Сайыс қорытындысы бойынша балалар әдебиеттері бөлімінің жас оқырманы Семей қалалық Ыбырай Алтынсарин атындағы №37 гимназиясының 4 «В» сынып оқушысы Шамен Шырай Алмасқызы 3-ші орынды иеленді, ал қалған қатысушылар кітапхана басшыларының атынан алғыс хаттармен марапатталды.
