Асан Омаров – қаламы жүйрік ғалым, зерттеуші
Семей қаласының мәдениет және тілдерді дамыту бөлімі Абай атындағы Шығыс қазақстан облыстық әмбебап кітапханасымен бірлесе белгілі абайтанушы ғалым Асан Омаровтың 70 жылдық мерейтойына орай ғалымның “Абайдың жетілуінің сатылары” атты ғылыми еңбегінің тұсаукесерін өткізді. Шараға Семей қаласының мәдениет және тілдерді дамыту бөлімі басшысы Назерке Мәулетқызы, қаламыздың зиялы қауым өкілдері, ақын-жазушылар, кітапхана қызметкерлері қатысты. Назерке Мәулетқызы қала әкімінің атынан ғалымды құттықтап, қаламыздың руханияты мен мәдениетіне сіңірген еңбегі үшін «Қоғамға сіңірген еңбегі үшін» төсбелгісімен марапаттады. 40 жасына дейін инженер болып жұмыс жасаған ғалым, шығармашылыққа 40 жасынан бастап ден қойып, алғашқы мақалаларын жазып, Абайтануға көшкенін, шығарашылық іздену барысындағы, зерттеу жолындағы қызықты уақиғаларын, өмірбаянын айтып берді. Ғалымның әріптестері, жолдастары Қ.Нұрқасым, А.Исин, қоғам қайраткері, кәсіпкер Қ.Мирашевтар ғалымның әдебиетке сіңірген ерен еңбегін атап өтіп, жүрекжарды тілекерін білдірді. Қалалық мәдениет үйінің директоры Иманбаев Нуриден Құсманұлы «Көкірегім көне кітап» әнін орындап шараның сәнін келтірді. Шара барысында ғалымның еңбектерінен көрме қойылып, шығармалары, зерттеу еңбектері: “Абайтану”, “Дінтану, Абайдың толық шығармалар жинағының екі томдығы, т.б. кітаптар мен мерзімді басылымдар беттеріндегі мақалаларымен өзі таныстырып өтті.
