Маңызды шешімдер кезеңі: экспозициялық көрме
27 тамызда Абай атындағы кітапхана мамандары Тұңғыш Президент Кітапханасы ұйымдастырған және Семей ядролық сынақ полигонының жабылуының 30 жылдығына арналған ” Маңызды шешімдер кезеңі” экспозициялық көрмесі бойынша ZOOM платформасында онлайн-экскурсия өткізді. Онлайн-экскурсияға Шығыс Қазақстан облысы кітапханаларының мамандары қатысты.
Аудитория назарына экспозициялық көрменің «Семей қайғы қасіреті», «Елбасы бастамалары» жіне «Бейбіи атом құқығы» бөлімдері ұсынылды.
«Семей қайғы қасіреті» бөлімі қатысушыларды келесі құжаттармен таныстырды: 1958 ж.Семей облысындағы радиологиялық жағдай туралы медициналық қорытындылар (1957 жылғы № 4 бруцеллезге қарсы диспансердің жұмысы туралы және КСРО АМН биофизика институтының ғылыми қызметкерлері тобының жұмысы туралы анықтамалар). 2. Радиологиялық топ 1965 жылғы 16 қаңтарда жүргізген зерттеулердің нәтижелері бойынша гамма-фонның жоғарылауы және жарылыстың радиоактивті өнімдерінің түсуі туралы хабарлама 3. 1953 жылы атом бомбасын сынау кезінде Қарауыл ауылында қалған тұрғындардың тізімі және басқа да бұрын соңды жарияланбаған материялдармен таныстырды.
«Елбасы бастамалары» бөлімінде Абай атындағы кітапхана маманы Еліміздің Тұңғыш Президентінің ядролық қарудан бас тарту және атомды тек қана бейбіт мақсаттарда пайдалану жөніндегі халықаралық саммиттердегі сөйлеген сөздеріне егжей-тегжейлі тоқталды, сондай-ақ “әулие Михаил және әулие Георгий” орденін, “Әулие Михаил және әулие Георгий” орденін және Ұлыбританияның, Жапонияның, АҚШ-тың және басқа да елдердің басқа да жоғары мемлекеттік наградалары мен төс белгілерін көрсетті.
«Бейбіи атом құқығы» бөлімінде Мемлекет басшысының БҰҰ Бас Ассамблеясының 47-ші сессиясында сөйлеген сөздері, Н.Ә. Назарбаевтың ядролық энергияны қауіпсіз және инновациялық пайдалану мәселелері жөніндегі Киев саммитінің пленарлық отырысында сөйлеген сөзіне тезистері, Мемлекет Басшысының 2012 жылғы 27 наурызда Сеул қаласында өткен Ядролық қауіпсіздік жөніндегі екінші жаһандық саммитке қатысуы және бүкіл әлемде ядролық қаруды қысқартуға бағытталған басқа да көптеген бастамалар мен сөз сөйлеулері қамтылған.
Сондай-ақ, онлайн-экскурсия барысында Елбасы Кітапханасы мен Абай кітапханасының қорларынан ұсынылған полигонның тарихын, салдары мен қазіргі жағдайын баяндайтын кітап көздеріне шолу жасалды.
