Маңызды шешімдер кезеңі: экспозициялық көрме

31 тамызда Ш.Уәлиханов атындағы Жамбыл облыстық кітапханасының кітапханашылары мен келушілеріне арнап тікелей эфирде Тұңғыш Президент Кітапханасы ұйымдастырған және Семей ядролық сынақ полигонының жабылуының 30 жылдығына арналған «Маңызды шешімдер кезеңі» экспозициялық көрмесі бойынша экскурсия өткізілді.

Аудиторияны Қазақстан Республикасының, оның Тұңғыш Президентінің ядролық қарудан бас тартуға және ядролық сынақтар жүргізуден бас тартуға негізделген жалпыға бірдей қауіпсіздікті қамтамасыз ету мәселелеріне деген жаһандық көзқарасымен таныстырды. Көрме «Семейдің қайғы-қасіреті», «Елбасының бастамалары», «Бейбіт атомға құқық» атты үш бөлімнен тұрады.

«Семейдің қайғы-қасіреті» атты бірінші бөлімнен тыңдаушылар Семей ядролық сынақ полигонының құрылуы мен жұмыс істеуінің тарихи деректері туралы білді, осы кезеңді бейнелейтін құжаттармен, полигон құрбандарына арналған «Жусанның күрсінісі» инсталляциясының фотосуреттерімен танысты.

«Елбасының бастамалары» атты екінші бөлім Н.Ә.Назарбаевтың ядролық сынақтарды тоқтату және қарусыздандыру бойынша әлемдік ауқымдағы бастамаларының маңыздылығын ашты. Көрермендер көрме экспонаттарымен және кәдесыйлар, вымпелдер, «Невада-Семей» белгішелері; жоғары халықаралық наградаларымен, оның ішінде: «Әулие Михаил және әулие Георгий» ордені, Ұлыбританияның «Үлкен лентадағы хризантема» ордені, «Хиросима қаласының ерекше құрметті азаматы» төсбелгісі т.б. таныстырылды.

Көрменің «Бейбіт атомға құқық» атты үшінші бөлімі аудиторияны Н.Ә.Назарбаевтың халықаралық саммиттерде атом энергиясын бейбіт мақсатта пайдалануға, ядролық сынақтарды тоқтатуға арналған фотосуреттерімен, тезистерімен және сөйлеген сөздерімен таныстырды, атап айтқанда, Н.Ә.Назарбаевтың БҰҰ Бас Ассамблеясының 47-сессиясында сөйлеген сөзінде, Семей мен ядролық сынақтардың салдарынан елге және бүкіл әлемге асып кеткен экологиялық апатты шешу қажеттігі туралы мәлімделді.

Онлайн экскурсия ядролық полигонның жабылуының 30 жылдығы тақырыбын қосымша ашқан Тұңғыш Президент Кітапханасы мен Абай атындағы кітапхана қорларынан ұсынылған кітаптардан тұратын кітап көрмесіне шолу жасаумен аяқталды.