Отбасымен бірге оқимыз: акция

10 қыркүйек күні Қазақстанда Отбасы күнін мерекелеу аясында балалар әдебиеті бөлімінің қызметкерлері «Отбасымен бірге оқимыз» акциясын өткізді, оған кітапхананың жас оқырмандары отбасымен қатысты. Акция бағдарламасында жаңа түскен кітаптар бойынша әдебиеттерге шолу, әңгіме-диалогтар, дауыстап оқу, кітапхана бойынша экскурсиялар, ойындар, отбасылық байқаулар және «Ертегілер алаңында» викторина өткізілді. Балалар ертегі викторинасының сұрақтарына қуана жауап беріп, жұмбақтар шешті, «Сөзді қос» тапсырмасын орындап , «Ашып ал да, тап» ойнына үш отбасы қатысты. Балалар мен ата-аналар шығармалардың дұрыс атауларын, ертегілерден суреттер тауып, күлкілі сайыстарға қатысты. Бұл іс-шара балаларға уақытты көңілді, пайдалы өткізуге, ал ата-аналарға көптен оқылған шығармаларды еске түсірулеріне мүмкіндік берді. Сонымен қатар, акцияға қатысушылар үшін «Түймедақ», «Тілек ағашы» және т. б. ойындар өткізілді, экскурсия ұйымдастырылды, шара барысында кітапхана мамандары кітапхананың пайдалану ережелері мен заманауи мүмкіндіктері туралы айтты. Сонымен қатар ата-аналар балаларымен бірге «Қағаз ғажайыптар» үйірмесіне қатысып,оларға кітапхана мамандары түрлі-түсті қағаздан күзгі аппликация жасау бойынша шеберлік сабағын өткізді. Бұл күні әркім өзіне ұнайтын кітаптарын тауып, жақсы мағұлматтар алды.