ҚР Тәуелсіздігін қалыптастырудағы Н.Назарбаевтың рөлі: ақпараттық сағат

Қазақстан Республикасының Тұңғыш Президенті күні қарсаңында Абай атындағы кітапханаға Семей қаласының ІІБ, ШҚО ІІД-нің қызметкерлері,  ҚР Шығыс Қазақстан облысындағы ОВ-156/15 ДУИС мекемелері және Семей қаласындағы №64031 әскери бөлімінің әскери қызметкерлері келді.

Кітапхана қонақтары «Қазақстан Республикасы Тәуелсіздігінің қалыптасуындағы Н.Назарбаевтың рөлі» атты көрмемен танысты, онда Тұңғыш Президент – Елбасының кітаптары мен оның өмірі мен қызметі туралы, Н. Назарбаев Тәуелсіз Қазақстанның қалыптасуы мен дамуында, қазақстандық қоғамның қайта жаңғыруы мен жаңаруында, тұрақты гүлденген мемлекет болып  қалыптасуында еткен еңбегімен  тарихи рөлін ашатын  материалдар қойылған.

Шараға қатысушыларымыздың қызығушылығын тудырған  «Нұрсұлтан Әбішұлы Назарбаев. Тәуелсіз мемлекеттің негізін қалаушы» және «Нұрсұлтан Назарбаев. Өмірбаяны» кітаптары болды. Ол Елбасының алғашқы ресми өмірбаяны, жеке құжаттарының көшірмелері алғаш рет жарияланған туынды болатын.

Ақпараттық сағаттың соңында аталған мекеме қызметкерлеріне кітапханаға экскурсия ұйымдастырылып, кітапхананың құрылу тарихымен, бөлімдердің жұмысымен және олардың қызметімен, сирек кездесетін әдебиеттер қорымен танысты. Абай рухани орталығында қонақтарға арнайы  Абай заманының кітаптары,  Абайдың кітапханадан оқыған кітаптары және сирек басылымдар қойылды.