Бейбітшілік пен жасампаздықтың, өркендеудің 30 жылы: ақпараттық сағат

Қазақстан Республикасы Тәуелсіздігінің 30 жылдығына орай ШҚО Абай атындағы әмбебап кітапханасының ұжымы 2 желтоқсан күні Семей қаласының технологиялық колледжінің оқытушылары мен студенттеріне «Бейбітшілік пен жасампаздықтың, өркендеудің 30 жылы» атты ақпараттық сағат өткізді.

Жиналғандар назарына Тұңғыш Президент – Елбасының еңбегімен өмірбаяны туралы мәліметтер ұсынылды. Назарбаев және оның партиялық өсуі, Тәуелсіз Қазақстанның қалыптасуы мен дамуындағы, мемлекеттің жаңғыруы, жалпы еліміздің қоғамдық-саяси және әлеуметтік-экономикалық өмірінде, тұрақты, өркендеген мемлекеттің қалыптасуындағы тарихи рөлі туралы айтылды. Еліміздің тәуелсіздік алған 30 жылдағы жетістіктеріне ерекше назар аударылып, ядролық қарудан өз еркімен бас тартқан әлемдегі бірінші ядролық қарусыз мемлекет болғанымыз туралы сөз қозғалды. Тәуелсіздік жылдарында Қазақстан экономикасы дамып келе жатқан, демократиялық негізі бар мемлекетке айналды. Барлық ұсынылған ақпарат презентация слайдтармен сүйемелденді.

Шараға кітапхана қызметкерлері «Қазақстан Республикасы Тәуелсіздігінің қалыптасуындағы Н.Назарбаевтың рөлі» атты кітап көрмесін дайындады, онда Тұңғыш Президент – Елбасының кітаптары мен оның өмірі мен қызметі туралы материалдар: « Назарбаев Нұрсұлтан Әбішұлы. Тәуелсіз мемлекеттің негізін қалаушы», « Нұрсұлтан Назарбаев. Өмірбаян», «Қазақстандық жол», «Әлем Назарбаев туралы» және т.б. кітаптар қойылды.

Шара соңында студенттермен викторина өткізілді, онда олар Тұңғыш Президенттің өмірбаяны, жас мемлекеттің қалыптасу тарихы туралы білімдерін көрсетті.