Жемқорлық – қоғам дерті: кең көлемді кітап көрмесі

8 желтоқсан күні Семей медициналық университетінде Халықаралық сыбайлас жемқорлық күніне орай «Саналы ұрпақ» жобасы аясында  «Сыбайлас жемқорлықсыз әлем» атты дөңгелек үстел өтті.

Шараға Абай атындағы кітапханасы қатысып, «Жемқорлық – қоғам дерті» тақырыбында кітап көрмесінжасақтады. Кітапхана қызметкерлері шараға қатысушыларға сыбайлас жемқорлық тақырыбында ақпараттар беріп, Е.Алаухановтың «Сыбайлас жемқорлыққа қарсы күрес», С.М. Рахметовтың «Сыбайлас жемқорлыққа қарсы күрес жөніндегі қылмыстық-құқықтық шаралар» монографиясымен, ҚР сыбайлас жемқорлыққа қарсы күрестің қазіргі таңдағы өзекті проблемалары атты кітаптарымен және   мерзімді басылым беттерінде жарияланған тақырыпқа сай мәлметтермен  таныстырып өтті.

Дөңгелек үстел барысында «Шығыс адалдық алаңы» жобалық кеңсесінің және «Нұр Отан», «Жас  Отан»  партиясы филиалының Сыбайлас жемқорлыққа қарсы қызметінің шақырылған өкілдері сөз сөйледі.

Көрменің басты мақсаты: Сыбайлас жемқорлықтың өте қауіпті көріністердің бірі екенін және заңдардың еркін әрекетін шектеп, еліміздің әлемдік қоғамдастық алдындағы беделін, дамуын төмендететінін атап көрсету. Сонымен қатар сыбайлас жемқорлықпен пәрменді күресу үшін халықтың құқықтық сауаттылығы деңгейі мен сапасын арттыру, маңыздылығын түсіндіру болды.