Жас ұрпақ – Тәуелсіздік тірегі: мерекелік кеш
2021 жылдың 11 желтоқсанында ШҚО Абай атындағы әмбебап кітапханасында оқу мәртебесін көтеру, оқырмандық белсенділікті арттыру, отансүйгіштікке тәрбиелеу мақсатында, ҚР тәуелсіздігінің 30 жылдығы және «2021 жылы – Қазақстандағы балалар мен жасөспірімдердің кітап оқуын қолдау жылы» аясында балалар әдебиеті бөлімінің қызметкерлері кітапхананың жас пайдаланушылары назарына «Жас ұрпақ – Тәуелсіздік тірегі» атты мерекелік кеш ұйымдастырды.
Шара басында жыл қорытындысы шығарылып «Мен кітап оқығанды жақсы көремін» букчелленджіне, «Жылдам оқуды үйрен» республикалық сайысына, «Отбасымызбен оқимыз» акциясына, «Әжемнің ертегілері» онлайн-жобасына, «Балалар оқуын шығармашылық арқылы дамыту» акциясына және «Сүйікті кітабыммен селфи» фотобайқауына қатысқан балалар әдебиеті бөлімінің белсенді оқырмандары мен «Әжемнің ертегілері» республикалық челленджіне ат салысқан облыс кітапханалары әкімшілік тарапынан алғыс хаттармен марапатталды. Сонымен бірге, айтулы мереке қарсаңында Жүсіпбек Аймауытов атындағы, №16 Аманов Төлеутай атындағы және №17 жалпы орта білім беретін 7-14 жас санаттары бойынша оқушылары мен «Сиқырлы қылқалам» үйірме мүшелері қатысқан «ҚР Тәуелсіздігінің 30 жылдығына – 30 балалар суреті» атты сурет байқауынының қорытындысы шығарылып, 7-10 жасқа дейінгі жас санатында 1-орынды №17 ЖОББМ оқушысы Белозерова Е, «Сиқырлы қылқалам» сурет үйірмесінің мүшесі Жүнісбекова Інжу 2-орын, Жүсіпбек Аймауытов атындағы ЖОББМ оқушысы Шоқанқызы Асылы 3-орын, ал 11 жастан 14 жасқа дейінгі жас санатында 1-орынды №17 ЖОББМ оқушысы Сержанова Ділназ, Төлеубай Аманов атындағы №16 ЖОББМ оқушысы Серікқазы Олжас 2-орын, №17 ЖОББМ оқушысы Кабланов Темірлан 3-орын иеленіп, дипломдар табыс етілді.
Салтанатты кеште «ҚР Тәуелсіздігінің 30 жылдығына – 30 балалар суреті» атты суреттер көрмесі ұйымдастырылып, «Нұрсәуле ясли-бақша тәрбиеленушілері «Көк тудың желбірегені» биін билеп, Ерболсынова Адиля «Қазақ деген халқым!» әнін тамылжыта орындады. Сондай-ақ, кеште «Тәуелсіздік туы желбіресін», «Тәуелсіз қазақтың қызымын», «Отан»әндері шырқалды.
