Тәуелсіздік құрдастары: кездесу кеші

Ағымдағы жылдың 10 желтоқсан күні Абай атындағы кітапхана қызметкерлері “Отбасы Орталығы” қоғамдық қорымен бірге Қазақстан Республикасы Тәуелсіздігінің 30 жылдығына арналған Тәуелсіздік құрдастарымен кездесу өткізді. Іс-шараға қаламыздың 10, 20 және 30 жастағы, спортта және шығармашылықта ерекше жетістіктерге жеткен жастар шақырылды.

Мерекелік іс-шараның қатысушылары мен қонақтарына арнап «Отбасы Орталығы» қоғамдық қорының президенті Ж. Ж. Жибраева құттықтау сөз сөйледі.

Кездесу барысында қатысушылармен шағын блиц-сауалнама өткізілді, онда олар жүргізушілердің сұрақтарына сенімді жауап беріп, Отан туралы өлеңдер оқып, өнерлерін көрсетіп, өздерінің волонтерлік қызметі туралы айтты.

№48 ЖОМ оқушысы Бейсенбай Зерде синтезаторда ойнаған музыкалық композиция мерекелік көңіл-күй қалыптастырса, ал тәуелсіздік құрдасы, №3 арнайы мектеп – интернатының мұғалімі Қойшыманов Сабыржанның орындауындағы “Көк тудың желбірегені” әні мерекелік кешке ерекше салтанат сыйлады. Атақты спортшылар Андрей Алтайбаев пен Кирилл Омаралинов өздерінің спорттық жетістіктері туралы айтып, спортта жетістікке жетіп, үздік болдың қыр-сырымен бөлісті.

Кеш соңында ұйымдастырушылар барша қатысқан жастарға алғыстарын білдіріп, тәуелсіздік құрдастарын арнайы қатысқаны үшін мақтау қағаздарымен және сыйлықтармен марапаттады марапатталды. Кеш аға буынның жас ұрпаққа жылы тілектерімен аяқталды.