Коррупция – қоғам қасіреті: дөңгелек үстел

2021 жылдың 14-ші желтоқсанында Абай атындағы кітапханасының «Парасат жолы» орталығында Семей медицина университетінің Жалпы білім беру пәндер кафедрасының ағылщын пәні оқытушысы  Жайрбаева Жаңанұр Қамбарқызы кураторлық ететін аталмыш оқу орданың студентері жалпы медицина факультетінің 1212 тобына алаштанушы, қоғам және мәдениет қайраткері Құсмілия Жырғалұлымен «Коррупция – қоғам қасіреті»  атты дөңгелек үстел өтті.

Шараның негізгі мақсаты сыбайлас жемқорлықпен күресу әрбір азаматтың азаматтық, адамдық парызы екенін насихат ету болды.

Сыбайлас жемқорлықтың, коррупцияның замана дерті екенін жас ұрпаққа түсіндіре отырып, қоғамның жан – жақты дамуына, азаматтардың адал еңбек етуіне кедергі келтіретін осынау қауіпті інденттің зардаптары жайында ақпарат берілді.

Дөңгелек үстелге қатысушыларымыз болашақ ақ халатты абзал жандар болғандықтан Құсмілия Жырғалұлының әңгімесінің негізі қызметке адалдықтан өрбіді. Қонағымыз өзінің өмір жолындағы, мемлекеттің қызметтерде, басшылықта болған шақтарындағы осынау жемқорлық айналасында туындаған қиындықтар жайлы айта келе, олармен күресудің жалғыз жолы адамның өзінің ар алдындағы тазалығынан басталатынын атап өтті.

Сонымен қатар тарихта болған көптеген келеңсіздіктер аталған дерттің айналасында болғанын жеткізді. Қай қоғам, қай заманда болмасын алдаушы топпен алданушы жақтың болатынын, белгілі бір мекеме немесе қызметтің тізгінін ұстаған кез-келген басшының бетпе-бет келетін қиындығының біріде осы – коррупция екенін тілге тиек етті.

Сөз соңында Құсмілия Жырғалұлы болашақта дәрігер деген атқа ие болатын балаларына адам баласының басына келетін мәселенің көбі тапқан астың адал жолмен келмеуінен болатынын насихат етті. Қазақтың «Бастың амандығы – астың адалдығы» деген сөзінің түбінде зор мән жатқанын терең үңіліп қарауды нұсқады.