Мәңгілік ел – Тәуелсіздіктің бастауы: дөңгелек үстел

2021 жылдың 15-ші желтоқсанында Абай атындағы кітапханасының «Абайдың рухани» орталығында Семей медицина университетінің Жалпы білім беру пәндер кафедрасының ағылщын пәні оқытушысы  Жайрбаева Жаңанұр Қамбарқызы кураторлық ететін аталмыш оқу орданың студентері жалпы медицина факультетінің 1212 тобына алаштанушы, қоғам және мәдениет қайраткері Құсмілия Жырғалұлымен «Мәңгілік ел – Тәуелсіздіктің бастауы» атты дөңгелек үстел өтті.

Дөңгелек үстел барысында Құсмілия Жырғалұлы жастарға жалпы қазақтың терең тарихынан сыр шертіп, түп атамыз түркілерден бастап, айбынды Алаш орда үкіметінің саясаты, желтоқсандағы жастардың қайсарлығы жайлы көптеген ақпарат берді.

Сонымен қатар Семей қаласының тарихы жайында сөз қозғап, қазіргі таңда көп айтылып жүрген қаламыздың тарихы 300 жыл ғана емес, біздің шаһардың тарихы мың жылдыққа тартқанын тарихи деректермен нақтылап өтті.

Қоныстанған ата мекеніміздің қойнауы қазынаға, жері құндылыққа, даласы тарихқа, халқы тектілікке сусындағанын айта келе, алпауыт Ресей мен Қытайдың және біздің қазақ жерінің құндылығы көктүріктің отаны Алтай тауыныңда ең қазыналы бөлігі біздің елдің еншісінде екенін мақтанышпен жеткізді. Осы қазыналы даланың талай қазба жұмыстары ата-бабамыздың алтын киіп жерленгенін дәлелдеп бергенін, және сол алтынға оюлана басылған жазбаның бәрі көне түркінің тасқа қашаған жазба-жырымен тамырлас екенін айтып, біздің бабаларымыз мыңдаған жылдар бұрын жазу-сызуды білген деген ой түйіндеді.

Сондай-ақ Тәуелсіз елдің туын ұстаған Елбасы Нұрсұлтан Әбішұлы Назарбаевтың ерен еңбегі бүгінгі жастарға үлгі екенін айтып, жасаған жұмыстарының, шекара аймақтарын нақтылағанын, астананы көшіріп айшықты орда жасағанын, және ұлтаралық қатынастарды күшейтіп білікті басшы болғанын тілге тиек етті.

Сөз соңында айтқан әңгімесіне құлақ түріп отырған жастарға алдағы өмірлеріне сәт-сапар тілеп, 2001 жылы ел Тәуелсіздігінің 10 жылдығына арнап жазған «Тәуелсіздік толғауы» атты шығармасын домбырамен бабына келтіріп орындап берді.