Әлібек Асқаров «Алданған ұрпақ», Дидахмет Әшімханұлы «Жынды жел»: кітаптар таныстырылымы

2022 жылғы 19 қаңтарда Абай атындағы кітапханада Шығыс Қазақстан облысының әкімі Даниал Ахметовтың бастамасымен 2021 жылы “Рухани жаңғыру” бағдарламасы аясында шығарылған “Абай әлемі” кітаптар топтамасының кезекті тұсаукесері онлайн форматта өтті.
Бұл жоба өлкеміздің талантты жерлестерінің әдеби мұрасын сақтауға және өскелең ұрпақтың арасында Отан туралы әдебиеттерді насихаттауға бағытталған.
2021 жылы “Абай әлемі” кітап сериясында 18 кітап жарық көрді.
Жоба аясында жарық көрген Шығыс Қазақстан облысының тумалары, Әлібек Асқаровтың «Алданған ұрпақ» және Дидахмет Әшімханұлының «Жынды жел» кітаптары оқырман назарына ұсынылды.
Онлайн таныстырылым барысында түрлі қоғамдық қатынастардың алмасқан тұсындағы қазақ ауылының бастан кешкен қиындықтары мен қызықты оқиғалары, қарапайым ауыл тұрғындарының алуан тағдырлары арқау болған көрнекті жазушы Әлібек Асқаровтың «Алданған ұрпақ» романына шолу жасалып, шығарманың негізгі кейіпкерлері таныстырылды.
Белгілі жазушы, «Алаш» сыйлығының лауреаты, Қазақстанның еңбек сіңірген қайраткері Дидахмет Әшімханұлының соңғы жылдарда жазған Алас тайпасы туралы аңыз бағытында жазылған «Жынды жел» туындысы, «Жер аңсаған Сарыатан», «Сары самауыр», «Он бірінші күз» повестері мен ел ықыласына бөленген бір топ әңгімелері жайлы баяндалды.